«ءبىز ءتۇرلى ماسەلەلەردى، نەگىزىنەن حالىقارالىق جايتتاردى تالقىلادىق. نازاربايەۆ مىرزا اۋقىمدى ماڭىزدى ماسەلەلەردە ۇلكەن رولگە يە. وكىنىشكە قاراي سيريا سىندى بۇل ماسەلەلەردىڭ بارلىعى دا كۇردەلى. ءبىز سيريا بويىنشا كەلىسسوزدەردىڭ (استانا پروتسەسى) وتكەندىگىن بىلەمىز جانە ولاردىڭ تاياۋ شىعىستا بارىنشا بەيبىت دامۋعا سەپ بولارىنا ءۇمىت ارتامىز. بىزدە وعان قاتىسۋدامىز. ۋكراينا پروبلەماسى بويىنشا دا ناتيجە الۋعا تىرىسۋدامىز. بۇلار ءبىزدى بىرىكتىرە تۇسەدى. (...). پرەزيدەنت نازاربايەۆ تەك كورشىلەرمەن عانا ەمەس، سونىمەن بىرگە حالىقارالىق دەڭگەيدە دە تۇراقتىلىقتى قالىپتاستىرۋ جولىندا وتە ماڭىزدى رولگە يە»، - دەدى ساۋلي نيينيستە «ەكسپو-2017 كورمەسىنىڭ باسپا ءسوز ورتالىعىندا وتكەن باسپا ءسوز ءماسليحاتى بارىسىندا.
مۇنان بولەك، تاراپتار ءوزارا ىنتىماقتاستىقتى كەڭەيتۋگە دە ءۇمىت ارتىپ وتىر. س. نيينيستەنىڭ اتاپ وتۋىنشە، فينليانديانىڭ سىرتقى ساۋدا ءمينيسترى بۇل ماسەلەمەن تۇراقتى جۇمىس ىستەپ كەلەدى.
«ماسەلەن، حەلسينكي مەن استانانىڭ نەمەسە الماتىنىڭ اراسىندا تىكەلەي رەيس اشۋ ماسەلەسى بار. قازىرگى ۋاقىتتا تالقىلانۋ ۇستىندە. ساپار بارىسىندا بۇل ماسەلەگە قاتىستى ءبىرقاتار قادام جاسادىق (...) مەن بۇعان ۇمىتپەن قاراپ وتىرمىن. شىن مانىندە بۇل ماسەلەدە العا قاراي ىلگەرىلەي الامىز دەپ ويلايمىن»، - دەدى فينليانديا پرەزيدەنتى.
اۋدارما: مارلان جيەمباي