بۇل تۋرالى اقوردانىڭ باسپا ءسوز قىزمەتى حابارلادى.
***
«ب. ءا. ساعىنتايەۆتى قازاقستان رەسپۋبليكاسىنىڭ پرەمەر- ءمينيسترى قىزمەتىنە تاعايىنداۋ تۋرالى» جارلىق
باقىتجان ءابدىر ۇلى ساعىنتايەۆ قازاقستان رەسپۋبليكاسىنىڭ پرەمەر- ءمينيسترى بولىپ تاعايىندالسىن.
قازاقستان رەسپۋبليكاسىنىڭ
پرەزيدەنتى ن. نازاربايەۆ
استانا، اقوردا، 2016 -جىلعى 9- قىركۇيەك
№ 319
***
باقىتجان ءابدىر ۇلى ساعىنتايەۆ 1963 -جىلى 13 - قازاندا جامبىل وبلىسى تالاس اۋدانى ءۇشارال اۋىلىندا تۋعان.
س. م. كيروۆ اتىنداعى قازاق مەملەكەتتىك ۋنيۆەرسيتەتىن ءبىتىردى، ەكونوميكا عىلىمدارىنىڭ كانديداتى.
ەڭبەك جولىن الماتى حالىق شارۋاشىلىعى ينستيتۋتىنىڭ ساياسي ەكونوميكا كافەدراسىنىڭ وقىتۋشىسى بولىپ باستادى.
1988-1992 -جىلدار ارالىعىندا س. م. كيروۆ اتىنداعى قازاق مەملەكەتتىك ۋنيۆەرسيتەتىندە جۇمىس ىستەدى، اسسيستەنت لاۋازىمىنان الەۋمەتتانۋ كافەدراسىنىڭ دوتسەنتىنە دەيىنگى ەڭبەك جولىنان ءوتتى.
1992 -جىلدان 1998 -جىلعا دەيىن كاسىپكەرلىك قىزمەتپەن اينالىستى.
1998 -جىلى جامبىل وبلىسى اكىمىنىڭ ورىنباسارى بولىپ تاعايىندالدى.
1999 -جىلدان 2002 -جىلعا دەيىن قازاقستان رەسپۋبليكاسىنىڭ شاعىن بيزنەستى قولداۋ جونىندەگى اگەنتتىگى ءتوراعاسىنىڭ ورىنباسارى، «شاعىن كاسىپكەرلىكتى دامىتۋ قورى» جاق باسقارماسىنىڭ ءتوراعاسى، قازاقستان رەسپۋبليكاسىنىڭ تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ جونىندەگى اگەنتتىگى ءتوراعاسىنىڭ ورىنباسارى لاۋازىمدارىندا قىزمەت ەتتى.
2002 -جىلدان 2004 -جىلعا دەيىن قازاقستان رەسپۋبليكاسىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى اگەنتتىگى ءتوراعاسىنىڭ ءبىرىنشى ورىنباسارى بولىپ جۇمىس ىستەدى.
2004 -جىلدان 2007 -جىلعا دەيىن - قازاقستان رەسپۋبليكاسىنىڭ تابيعي مونوپوليالاردى رەتتەۋ جونىندەگى اگەنتتىگىنىڭ ءتوراعاسى بولدى.
2007 -جىلدان 2008 -جىلعا دەيىن قازاقستان رەسپۋبليكاسى پرەمەر- ءمينيسترى كەڭسەسىنىڭ باسشىسى بولدى.
2008 -جىلعى 30 - قىركۇيەكتە پاۆلودار وبلىسىنىڭ اكىمى بولىپ تاعايىندالدى.
2012 -جىلدىڭ 20 - قاڭتارىندا - قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى بولىپ تاعايىندالدى.
2012 -جىلدىڭ 24 - قىركۇيەگىنەن باستاپ - «نۇر- وتان» ح د پ ءتوراعاسىنىڭ ءبىرىنشى ورىنباسارى بولىپ قىزمەت ەتتى.
2013 -جىلدىڭ 16 - قاڭتارىندا مەملەكەت باسشىسىنىڭ جارلىعىمەن ق ر پرەمەر- ءمينيسترىنىڭ ءبىرىنشى ورىنباسارى - وڭىرلىك دامۋ ءمينيسترى بولىپ تاعايىندالدى.
2013 -جىلدىڭ 6 - قاراشاسىندا مەملەكەت باسشىسىنىڭ جارلىعىمەن پرەمەر- ءمينيستردىڭ ءبىرىنشى ورىنباسارى - ق ر وڭىرلىك دامۋ ءمينيسترى قىزمەتىنەن بوساتىلىپ، ق ر پرەمەر- ءمينيسترىنىڭ ءبىرىنشى ورىنباسارى بولىپ تاعايىندالدى.
«قۇرمەت» وردەنىمەن جانە مەرەيتويلىق مەدالدارمەن ماراپاتتالعان.
تابيعي مونوپوليالار سالاسىن مەملەكەتتىك رەتتەۋ، شاعىن جانە ورتا بيزنەستى دامىتۋ تاقىرىپتارىنا ارنالعان ءبىرقاتار عىلىمي جۇمىستىڭ اۆتورى.
ەسكە سالا كەتسەك، ەلباسى نۇرسۇلتان نازاربايەۆتىڭ جارلىعىمەن قازاقستان رەسپۋبليكاسى پرەمەر- ءمينيسترىنىڭ مىندەتتەرىن ۋاقىتشا اتقارۋ باقىتجان ءابدىر ۇلى ساعىنتايەۆقا جۇكتەلگەن بولاتىن.
ايتا كەتەيىك، كەشە ق ر ۇكىمەتىندە كادرلىق وزگەرىستەر بولدى. مينسترلەر كابينەتىن باسقارعان كارىم ءماسىموۆ ق ر ۇلتتىق قاۋىپسىزدىك كوميتەتىنىڭ ءتوراعاسى قىزمەتىنە تاعايىندالدى.
مەملەكەت باسشىسىنىڭ وكىمىمەن ق ر ۇ ق ك- ءنىڭ بۇرىنعى باسشىسى ۆلاديمير جۇماقانوۆ قازاقستان پرەزيدەنتىنىڭ كەڭەسشىسى قىزمەتىنە تاعايىندالدى.