ق ر پرەزيدەنتى تاعايىندايتىن جانە قىزمەتتەن بوساتاتىن جوعارى وقۋ ورىندارى تۋرالى جارلىققا تولىقتىرۋ ەنگىزىلدى

 قازاقپارات قۇجاتتىڭ ءماتىنىن جاريالايدى.

 قازاقستان رەسپۋبليكاسى پرەزيدەنتىنىڭ جارلىعى

 «ءبىرىنشى باسشىلارىن قازاقستان رەسپۋبليكاسىنىڭ پرەزيدەنتى قىزمەتكە تاعايىندايتىن جانە قىزمەتتەن بوساتاتىن مەملەكەتتىك جوعارى وقۋ ورىندارىنىڭ ماسەلەلەرى تۋرالى» 2008 - جىلعى 21 - ساۋىردەگى № 573 جارلىعىنا تولىقتىرۋ ەنگىزۋ تۋرالى

قاۋلى ەتەمىن:

1. «ءبىرىنشى باسشىلارىن قازاقستان رەسپۋبليكاسىنىڭ پرەزيدەنتى قىزمەتكە تاعايىندايتىن جانە قىزمەتتەن بوساتاتىن مەملەكەتتىك جوعارى وقۋ ورىندارىنىڭ ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2008 -جىلعى 21 - ساۋىردەگى № 573 جارلىعىنا مىناداي تولىقتىرۋ ەنگىزىلسىن:

جوعارىدا اتالعان جارلىقپەن بەكىتىلگەن ءبىرىنشى باسشىلارىن قازاقستان رەسپۋبليكاسىنىڭ پرەزيدەنتى قىزمەتكە تاعايىندايتىن جانە قىزمەتتەن بوساتاتىن مەملەكەتتىك جوعارى وقۋ ورىندارىنىڭ تىزبەسى مىناداي مازمۇنداعى رەتتىك ءنومىرى 10-جولمەن تولىقتىرىلسىن:

«10. قازاق ۇلتتىق حورەوگرافيا اكادەمياسى».

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن. نازاربايەۆ

 استانا، اقوردا، 2016 -جىلعى 29 - تامىز. №313