بۇل تۋرالى بۇگىن مەملەكەتتىك قىزمەت ىستەرى جونىندەگى مينيسترلىكتىڭ كەڭەيتىلگەن القا وتىرىسىندا سىبايلاس جەمقورلىققا قارسى كۇرەس جونىندەگى ۇلتتىق بيۋرو ءتوراعاسىنىڭ ورىنباسارى تالعات تاتۋبايەۆ ءمالىم ەتتى.
«رەسپۋبليكا بويىنشا 588 لاۋازىمدى تۇلعا جاۋاپكەرشىلىككە تارتىلۋدا. ونىڭ ىشىندە - 11 ادام رەسپۋبليكالىق، 39 وبلىستىق، 79 قالالىق جانە اۋداندىق ورگانداردىڭ قىزمەتكەرلەرى، 16 اكىم مەن ولاردىڭ ورىنباسارلارى بار»، - دەپ ءمالىم ەتتى ت. تاتۋبايەۆ.
سىبايلاس جەمقورلىققا قارسى كۇرەس جونىندەگى ۇلتتىق بيۋرو ءتوراعاسىنىڭ ورىنباسارى تالعات تاتۋبايەۆ قازاقستان رەسپۋبليكاسى بويىنشا سىبايلاس جەمقورلىققا كوپ جول بەرەتىن مەملەكەتتىك ورگانداردى اتادى.
«سىبايلاس جەمقورلىققا كوپ جول بەرەتىن ورگاندار، ول - اكىمدىكتەر، ىشكى ىستەر ورگاندارى، اۋىل شارۋاشىلىعى مينيسترلىگى، دەنساۋلىق ساقتاۋ مينيسترلىگى، كۆازيمەملەكەتتىك سەكتور مەن مەملەكەتتىك كىرىستەر كوميتەتى»، - دەدى ت. تاتۋبايەۆ.
اۆتور: كەنجەكەي توقتامۇرات قىزى