نۇرسۇلتان نازاربايەۆ پەن ۆ. پۋتين ەكىجاقتى جانە وڭىرلىك ىنتىماقتاستىقتىڭ وزەكتى ماسەلەلەرىن، سونىڭ ىشىندە الداعى مامىردا استانادا وتەتىن ەۋرازيالىق ەكونوميكالىق وداققا مۇشە مەملەكەتتەر باسشىلارىنىڭ كەزدەسۋى جايىن تالقىلادى.
ەكى ەل كوشباسشىلارى ازەربايجان جانە ارمەنيا پرەزيدەنتتەرىمەن رەسەي جاعى دا، قازاقستان تاراپى دا بايلانىسقا شىققانىن ەسكەرە كەلىپ، تاۋلى قاراباقتاعى احۋال جونىندە پىكىر الماستى. سونداي-اق قاقتىعىستى رەتتەۋ ءۇشىن تاراپتار قابىلداپ جاتقان شارالاردى تالقىلادى.