ەلباسى ۇلتتىق قاۋىپسىزدىك كوميتەتى باسشىلىعى قۇرامىنا جاڭا ءتوراعا ۆ. جۇماقانوۆتى تانىستىردى

بۇل تۋرالى اقوردانىڭ تۆيتتەردەگى پاراقشاسىندا جازىلدى.

ۆلاديمير زەينوللا ۇلى جۇماقانوۆ جاڭا لاۋازىمعا تاعايىندالعانعا دەيىن قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى قىزمەتىندە بولعان.

1955-جىلى 7- قاراشادا ر ك ف س ر- دىڭ سۆەردلوۆ وبلىسى گارين اۋدانىنىڭ دۋلكوۆو اۋىلىندا تۋعان.

س. م. كيروۆ اتىنداعى قازاق مەملەكەتتىك ۋنيۆەرسيتەتىن (1977)؛ ف. ە. دزەرجينسكي اتىنداعى ك س ر و م ق ك جوعارى قىزىل تۋلى مەكتەبىن (1989) بىتىرگەن.

1977-جىلدان - س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ عىلىمي قىزمەتكەرى. 1982-جىلدان - قاۋىپسىزدىك ورگاندارىندا - ق ر ۇ ق ك دەپارتامەنتىندە ءبولىم باستىعىنىڭ ورىنباسارى، ءبولىم باستىعى، باسقارما باستىعى، دەپارتامەنت باستىعىنىڭ ورىنباسارى، ق ر ۇ ق ك ءتوراعاسىنىڭ كەڭەسشىسى. 2001-جىلدان - ق ر ۇ ق ك لاڭكەستىككە قارسى كۇرەس دەپارتامەنتىنىڭ باستىعى. 2010-جىلدىڭ قىركۇيەك ايىنان بەرى - ق ر ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى.

II دارەجەلى «ايبىن» (2004)، II دارەجەلى «داڭق» (2008) وردەندەرىمەن؛ 8 مەدالمەن ماراپاتتالعان. ق ر ۇ ق ك قۇرمەتتى قىزمەتكەرى.

گەنەرال- مايور (05.2005)؛

ۇلتتىق قاۋىپسىزدىك كوميتەتىنىڭ گەنەرال-لەيتەنانتى (04.05.2012).