بۇل تۋرالى اقوردانىڭ رەسمي سايتىندا حابارلاندى.
نۇرسۇلتان نازاربايەۆ سونداي- اق قازاقستاننىڭ ەجەلگى زاماننان بۇگىنگە دەيىنگى ارحەولوگيالىق، ەتنوگرافيالىق، تاريحي- مادەني ەسكەرتكىشتەرى قويىلعان ەكسپوزيتسيالىق زالداردى ارالاپ كوردى.
***
قازاقستان رەسپۋبليكاسىنىڭ ۇلتتىق مۋزەيى 2014 - جىلى اشىلدى. جالپى الاڭى 74 مىڭ شارشى مەتر بولاتىن مۋزەي كەشەنى جەتى بلوكتان تۇرادى. 14 مىڭ شارشى مەتردەن استام اۋماقتا 11 تاقىرىپتىق زال بار ورنالاسقان، ولاردىڭ قاتارىندا استاناعا، تاۋەلسىز قازاقستانعا ارنالعان زالدار، التىن زالى، ەجەلگى جانە ورتا عاسىر تاريحى، ەتنوگرافيا جانە قازىرگى زامانعى ونەر زالدارى بار. مەكەمە الەمدىك ستاندارتتارعا ساي قۇرالدارمەن جابدىقتالعان، ەكسپوزيتسيالار ءۇشىن زاماناۋي كورمە تەحنولوگيالارى قولدانىلادى.
سونىمەن قاتار، بالالار مۋزەيىنە، بالالاردىڭ شىعارماشىلىق ورتالىعىنا، كورمە زالدارىنا، قالپىنا كەلتىرۋ شەبەرحانالارىنا، زەرتحانالارعا، كاسىبي قور ساقتاۋ قويماسىنا، وقۋ زالى بار عىلىمي كىتاپحاناعا، كونفەرەنتسيا زالى مەن كادەسىيلار دۇڭگىرشەكتەرىنە ارنالعان ورىنجايلار قاراستىرىلعان.