الماتى اكىمى احمەتجان ەسىموۆ مەملەكەت باسشىسى نۇرسۇلتان نازاربايەۆتىڭ قۇتتىقتاۋ ءسوزىن جەتكىزدى.
«يسلام مادەنيەتىنىڭ استاناسى قۇرمەتتى اتاعى تاريحي ساباقتاستىقتى ايشىقتاپ، الماتى قالاسىنا يسلام مادەنيەتىن دامىتۋدا تىڭ سەرپىلىس بەرەدى»، - دەلىنگەن مەملەكەت باسشىسى جولداعان قۇتتىقتاۋ سوزدە.
«قازاقستان - تاريحى تەرەڭنەن باستاۋ الاتىن مەملەكەت. بيىلعى جىل ەلىمىز ءۇشىن ايتۋلى جىل. بيىل قازاق حاندىعىنىڭ 550 جىلدىعى تويلانادى. قازاق تاريحى مەن مادەنيەتى يسلام تاريحىنىڭ اجىراماس بولىگى ەكەنى راس. سونداي-اق، قازاقستان ءتۇرلى سۇحبات الاڭىنا اينالىپ وتىرعانى انىق»، - دەدى ق ر مادەنيەت جانە سپورت ۆيتسە-ءمينيسترى عالىم احمەدياروۆ.
«ساياساتكەرلەر 21- عاسىر باستالعاندا يسلام وركەنيەتى مەن باتىس وركەنيەتىنىڭ قاقتىعىسى بولادى دەگەن بولجام ايتقان بولاتىن. سول كەزدە قازاقستان يۋنەسكو-عا كەلەر عاسىردى مادەنيەتتەردى جاقىنداستىرۋ جىلى دەپ اتاۋدى ۇسىنعان بولاتىن. حالىقارالىق ۇيىم ءبىر جىلدا اتاۋدى ۇيعاردى. ءبىراق، ول از كورىندى دە، مادەني ىنتىماقتاستىقتى 10 جىلعا سوزۋ تۋرالى شەشىم قابىلداندى. كەلەر ۇرپاق مادەنيەتتەردىڭ ىرگەسى نەگە اجىراپ كەتكەنىن ءبىلۋى كەرەك. قازىر گومو ساپيەنس وكىلدەرى سونىمەن اينالىسۋدا»، - دەدى اقىن ولجاس سۇلەيمەنوۆ.
كونفەرەنتسيا بارىسىندا 100 دەن اسا حالىقارالىق ساراپشىلار، الەمنىڭ 15 ەلىنەن كەلگەن ساياساتتانۋشىلار مەن عالىمدار ي ى ۇ اياسىنداعى حالىقارالىق ينتەگراتسيالىق پروتسەسستەردى تالقىلايدى. يسلام الەمى ەلدەرىنىڭ تاريحى مەن مادەنيەتىن زەرتتەۋ سالاسىنداعى اعىمداعى جاعداي تالقىلانىپ، جان-جاقتى مادەني ىنتىماقتاستىقتىڭ بولاشاق جوسپارلارى قاراستىرىلادى.
اۆتور: گۇلميرا عوسمانالي