وندا قازاقستان حالقى اسسامبلەياسى كەڭەسىنىڭ 2015 - جىلى ەلىمىزدە كەزەكتەن تىس پرەزيدەنتتىك سايلاۋ وتكىزۋ تۋرالى باستاماسىنا قولداۋ ءبىلدىرىلدى. بۇل تۋرالى ءماجىلىستىڭ باسپا ءسوز قىزمەتىنەن حابارلاندى.
جيىن بارىسىندا داريعا نازاربايەۆا ساياسي كەڭەس پەن پارتيا باسشىلىعى تاراپىنان دا پرەزيدەنتتىك سايلاۋ وتكىزۋگە قاتىستى باستاماعا قولداۋ بىلدىرگەنىن اتاپ ءوتتى. «پارتيانىڭ باستى رەسۋرستارىنىڭ ءبىرى رەتىندە «نۇر وتان» پارتياسىنىڭ فراكتسياسى بارلىق قازاقستاندىقتارعا، قوعامدىق ۇيىمدار مەن ەل جاستارىنا وسى باستامانى قولداۋعا شاقىرادى.
پرەزيدەنتتىك سايلاۋ وتكىزۋ ەل مەن حالىق مۇددەسىنە جاۋاپ بەرەتىن اسا ماڭىزدى شەشىم. بۇل قادام قازاقستاننىڭ گۇلدەنۋى ماقساتىنا قول جەتكىزۋ ءۇشىن بارشا قازاقستاندىقتاردىڭ جاسامپاز كۇش- جىگەرىن بىرىكتىرۋگە مۇمكىندىك بەرەدى.
بۇگىنگى تاڭدا ءبىز ءۇشىن مەملەكەتتىڭ، قوعام مەن بارشا ازاماتتاردى ەلباسى نۇرسۇلتان نازاربايەۆتىڭ اينالاسىنا توپتاستىرا جۇمىلدىرا وتىرىپ، بىرلىك، كەلىسىم مەن تۇراقتىلىقتى ساقتاي ءبىلۋ اۋاداي قاجەت. بۇل ءبىزدىڭ بۇرىنعىدان دا قۋاتتى بولۋ مۇمكىندىگىمىزدى ارتتىرادى، «قازاقستان-2050» جانە «ماڭگىلىك ەل» ستراتەگياسىن مەرزىمىنەن بۇرىن ورىنداۋدى قامتاماسىز ەتەدى»، - دەدى د. نازاربايەۆا.
جيىن بارىسىندا پرەزيدەنتىك سايلاۋ يدەياسىنا قولداۋ ءبىلدىرىپ «نۇر وتان» پارتياسى ساياسي كەڭەسى بيۋروسىنىڭ مۇشەسى قۋانىش سۇلتانوۆ، فراكسيا مۇشەلەرى ۆ. روگاليەۆ، و. اسانعازى، «حالىق قاھارمانى» ب. ەرتايەۆتار ءسوز سويلەدى.
اۆتور: قانات مامەتقازى ۇلى