نازاربايەۆ ۋنيۆەرسيتەتىنىڭ مەملەكەتتىك ساياسات ماگيسترى باعدارلاماسىنا قۇجاتتاردى قابىلداۋ باستالدى

 دەپ حابارلادى ج و و- نىڭ كوممۋنيكاتسيالار جانە ماركەتينگ دەپارتامەنتىنەن.

 «جوعارى مەملەكەتتىك ساياسات مەكتەبى مەملەكەتتىك ساياسات سالاسىنداعى ماگيستراتۋرا باعدارلاماسىنا Master in Public Policy (MPP) قۇجاتتاردى قابىلداۋدى جۇزەگە اسىرىپ جاتىر. ەكى جىلدىق كۇندىزگى MPP باعدارلاماسى كەمىندە 2 جىل جۇمىس تاجىريبەسى بار ماماندارعا ارنالعان. شامامەن 30-40 مەملەكەتتىك گرانت قاراستىرىلعان، باسقا جەردەن كەلگەندەرگە جاتاقحانا بەرىلەدى، ۇلگەرىمى جاقسى ستۋدەنتتەرگە

 100 مىڭ تەڭگە كولەمىندە اي سايىن ستيپەنديا تولەنەدى»، دەلىنگەن حابارلامادا.

2015 - جىلعى 12 - اقپاندا نازاربايەۆ ۋنيۆەرسيتەتىندە اقپاراتتىق سەسسيا وتكىزىلدى، وعان قاتىسۋشىلار مەملەكەتتىك ساياسات سالاسىنداعى Master in Public Policy (MPP) ماگيستراتۋرا باعدارلاماسىنا وقۋعا ءتۇسۋ تالاپتارىمەن تانىستى. كەلۋشىلەر ج م س م- ءنىڭ وقىتۋشىلارىمەن، ستۋدەنتتەرىمەن جانە قىزمەتكەرلەرىمەن تىكەلەي تانىسۋعا، ولارعا وزدەرىنىڭ ساۋالدارىن قويۋعا مۇمكىندىك الدى.

ماگيستراتۋرا باعدارلاماسى بويىنشا وقىتۋ اعىلشىن تىلىندە جۇرگىزىلەدى، ساباقتاردى سينگاپۋردىڭ ۇلتتىق ۋنيۆەرسيتەتىنىڭ لي كۋان يۋ اتىنداعى مەملەكەتتىك ساياسات مەكتەبىنىڭ (لكيۋ مەكتەبى) ۇزدىك وقىتۋشىلارى جۇرگىزەدى. وقىتۋشىلار Case studies - يننوۆاتسيالىق وقىتۋ ادىستەرىن قولداناتىن بولادى، مىسال رەتىندە ناقتى قازاقستاندىق ۇلگىلەر كەلتىرىلەدى. MPP باعدارلاماسىنىڭ ستۋدەنتتەرى لكيۋ مەكتەبىندە ءوز تاڭداۋى بويىنشا ءبىر كۋرستان ءوتۋ جانە سينگاپۋردىڭ مەملەكەتتىك قىزمەتشىلەرىمەن كەزدەسۋ مۇمكىندىگىنە يە بولادى. سونىمەن قاتار، وقىتۋ باعدارلاماسىندا وزىق قازاقستاندىق جانە شەتەلدىك ساياسي كوشباسشىلاردىڭ، بيزنەسمەندەر مەن قوعام قايراتكەرلەرىنىڭ لەكسيالارىن تىڭداۋ قاراستىرىلعان.