مەملەكەتتەر باسشىلارى ەكى جاقتى ىنتىماقتاستىقتىڭ، سونداي- اق ەۋرازيالىق ەكونوميكالىق وداق اياسىنداعى ءوزارا ءىس- قيمىلدىڭ اعىمداعى ماسەلەلەرىن تالقىلادى.
ۆ. پۋتين ءوزىنىڭ گەرمانيا جانە فرانتسيا كوشباسشىلارىمەن 6 -اقپاندا ماسكەۋدە وتكەن كەلىسسوزدەرىنىڭ قورىتىندىلارى، سونىمەن قاتار «نورماند فورماتىندا» 8 - اقپاندا تەلەفون ارقىلى وتكىزگەن كەلىسسوزدەرى جونىندە ايتتى.
نۇرسۇلتان نازاربايەۆ مينسكىدە 11 - اقپاندا وتكىزۋ جوسپارلانعان ءتورت جاقتى كەلىسسوزدەر ۋكراينا قاقتىعىسىن رەتتەۋ جولدارىن ىزدەستىرۋ ىسىندە مامىلەگە كەلۋگە مۇمكىندىك بەرەتىنىنە سەنىم ءبىلدىردى.
بۇدان بولەك، رەسەي ەكونوميكاسىنداعى ۋاقىتشا قيىندىقتارعا بايلانىستى مەملەكەتتەر باسشىلارى ءوزارا ساۋدانىڭ اعىمداعى ماسەلەلەرىن تالقىلادى. ەكى ەل ۇكىمەتتەرىنە ءوزارا ءتيىمدى شەشىمدەر ازىرلەۋ جونىندە تاپسىرما بەرىلدى.