ۆيسە- پرەمەر ونەركاسىپ مەكەمەلەرىنىڭ جۇمىسىمەن تانىسىپ، ەڭبەك ۇجىمدارىمەن كەزدەستى، جەرگىلىكتى قامتۋدى دامىتۋ جانە حالىقتى جۇمىسپەن قامتۋ ماسەلەلەرى بويىنشا كەڭەس وتكىزدى، دەپ حابارلايدى primeminister.kz.
مەملەكەت باسشىسىنىڭ تاپسىرماسى بويىنشا رەسپۋبليكادا ءوندىرىس ۇدەرىستەرىن تۇراقتاندىرۋ جانە جۇمىسكەرلەردىڭ ەڭبەك قۇقىقتارى مەن كەپىلدىكتەرىن قامتاماسىز ەتۋ جونىندە وبلىس اكىمدىكتەرى مەن ءىرى كاسىپورىندار اراسىندا ءوزارا ىنتىماقتاستىق تۋرالى مەموراندۋمدار جاساسۋ بويىنشا كەڭ اۋقىمدى جۇمىس باستالعانى بەلگىلى.
كوكشەتاۋدا وتكەن كەڭەس قورىتىندىسى بويىنشا «قاز مۇناي گاز» ۇ ك» اق، «قازاقستان تەمىر جولى» ا ق، «قاز اتوم پروم» ۇ ا ك» ا ق، «قازاق تەلەكوم» ا ق، «قازاق التىن» تاۋ- كەن مەتاللۋرگيالىق كونسەرنى» ا ق، «كاماز- ينجينيرينگ» ا ق، «كوكشەتاۋ مينەرالدى سۋلارى» ا ق جانە باسقا دا ۇلتتىق كومپانيالار جانە كاسىپورىندار اراسىندا جۇمىس ورىندارىن ساقتاۋ، ءوندىرىس ۇدەرىستەرىن تۇراقتاندىرۋ جانە جەرگىلىكتى قامتۋدى دامىتۋ جونىندە مەموراندۋمدارعا قول قويىلدى. جالپى 22 ميلليارد تەڭگەدەن استام سوماعا 14 مەموراندۋم جاسالدى.
ب. ساپاربايەۆ «قول قويىلعان قۇجاتاردىڭ باستى قورىتىندىسى قازاقستاندىق كومپانيالار اراسىنداعى ىسكەرلىك بايلانىستى نىعايتۋ بولىپ تابىلادى، ناتيجەسىندە بارلىق تاراپتار جەڭەدى» دەپ اتاپ ءوتتى. «ءبىرىنشى كەزەكتە، بۇل قوعامداعى الەۋمەتتىك تۇراقتىلىقتى قامتاماسىز ەتەدى، ەكىنشىدەن، يمپورتتىق ونىمگە تاۋەلدىلىكتى تومەندەتەدى جانە جاڭا جۇمىس ورىندارىن قۇرۋعا قوسىمشا ىنتالاندىرۋ بولماق. بۇل جاھاندىق ەكونوميكاداعى جاعدايدى ەسكەرسەك، اسا وزەكتى»، - دەدى ۆيسە- پرەمەر.
ب. ساپاربايەۆ سونداي- اق ا و ك دامىتۋ تاقىرىبىن قوزعادى. ول مەملەكەتتىڭ اۋىل شارۋاشىلىعىن ودان ءارى ءارتاراپتاندىرۋ، ولاردىڭ سالالارىن سۋبسيديالاۋ بويىنشا كەشەندى شارالار قابىلداپ جاتقانىن باسا ايتتى. «اتالعان جۇيەلىك شارالاردىڭ قورىتىندىسى باسەكەگە قابىلەتتى ءونىم، ونىڭ ىشىندە اۋىل شارۋاشىلىق ونىمدەرىن قايتا وڭدەۋ جانە ونىڭ وزىندىك قۇنىن تومەندەتۋ بولماق، بۇل اقىرىندا حالىقتىڭ ساتىپ الۋ قابىلەتىنىڭ وسۋىنە اسەر ەتۋى ءتيىس»، - دەپ تولىقتىردى ب. ساپاربايەۆ.
پەتروپاۆلدا سايكەس مەموراندۋمدارعا «قازمۇناي گاز» ۇك» ا ق، «قازاقستان تەمىر جولى» ا ق، «س. م. كيروۆ اتىنداعى زاۋىت» ا ق، «پ ز ت م» ا ق، «حولدينگ قاز ەكسپورت استىق» ا ق، «سيەۆكاز ەنەرگو» اق جانە باسقالارى قول قويدى. قول قويىلعان قۇجاتتار سانى - 13, ال جالپى سوماسى 14 ميلليارد تەڭگەدەن اسادى.
«جاسالعان مەموراندۋمداردىڭ ماقساتى ونەركاسىپتىك- ەڭبەك قاتىناستارىنىڭ ءتيىمدى ۇلگىسىن قۇرۋ بولىپ تابىلادى، سونىڭ نەگىزىندە مەملەكەت، جۇمىس بەرۋشىلەر جانە كاسىبي وداقتار سەرىكتەستىگىنىڭ تەتىكتەرى بولماق»، - دەپ اتاپ ءوتتى ۆيسە- پرەمەر. «ەڭ باستىسى بارلىق تاراپتار ەڭبەك ونىمدىلىگىن ارتتىرۋ كەزىندە توقتاۋسىز ءوندىرىس ۇدەرىسىنە بىردەي قىزىعۋشىلىق تانىتۋلارى ءتيىس، بۇل مەملەكەتكە دە ءوزارا پايدا اكەلەدى»، - دەپ باسا ايتتى ب. ساپاربايەۆ.