«وسى جىلدار ىشىندە ءبىز 40 مىڭ شاقىرىمنان استام اۆتوموبيل جولىن سالدىق، 2500 شاقىرىمنان استام تەمىر جول توسەدىك. بۇل جۇمىستار جالعاسا بەرەتىن بولادى. ءبىز ەشقاشان قازىرگىدەي جول سالعان جوقپىز. ءبىز ەلىمىزدىڭ بارلىق تۇپكىر- تۇپكىرىن جالعاستىرۋىمىز قاجەت» ، - دەدى ن. نازاربايەۆ.
سونىمەن قاتار ەلباسى ءوزىنىڭ قازاقستان حالقىنا ارنالاتىن كەلەسى جولداۋىندا ينفراقۇرىلىمدىق دامۋعا باعىتتالعان مىندەتتەرى جۇكتەيتىندىگىن ەسكەرتىپ ءوتتى.
ءبىز استانادان پاۆلودار ارقىلى وسكەمەنگە قازىرگى قولدانىستاعى استانا- كوكشەتاۋ- پەتروپاۆل جولى سياقتى جاقسى جول سالامىز. استانادان اقتوبە ارقىلى كاسپيي تەڭىزىنە، استانادان وڭتۇستىككە قاراي الماتىعا، الماتىدان وسكەمەنگە دەيىن جول سالىنادى. ياعني، استانادان بارلىق ايماققا تارالاتىن وسى ساۋلەدەي تارالاتىن جول تارماعىن «نۇرلى جول» دەپ اتاۋعا بولادى» ، - دەدى ەلباسى.
*
ەلباسى ءوزىنىڭ اكىمشىلىگى مەن ق ر ۇكىمەتىنە ءبىر ايدىڭ ىشىندە 2015-2020 - جىلدارعا ارنالعان وتباسىلىق قاتىناستاردى نىعايتۋ بويىنشا شارالاردىڭ جالپى ۇلتتىق جوسپارىن ازىرلەۋدى تاپسىردى.
بۇگىندە جاستاردا مورالدىق- ونەگەلىلىك، رۋحاني قۇندىلىقتاردى قالىپتاستىرۋ ماسەلەسى وزەكتى ەكەنىنە توقتالعان پرەزيدەنت، جاقسى وتباسىلاردا تاربيە العان جاسوسپىرىمدەر كۇدىكتى تەرىس اعىمداردىڭ جەتەگىندە كەتىپ قالاتىن جاعدايلار كەزدەسىپ جاتاتىندىعىن اتاپ ءوتتى.
«بۇل - بۇگىنگى زاماننىڭ قاۋىپ- قاتەرى، سوندىقتان دا ولار مەملەكەت پەن قوعامنىڭ جۇيەلىك شارالاردى قابىلداۋىن تالاپ ەتەدى. وسى ورايدا قازاقستان رەسپۋبليكاسى بويىنشا 2015-2020 - جىلدارعا ارنالعان وتباسىلىق قاتىناستاردى، مورالدىق- ەتيكالىق، رۋحاني- ادامگەرشىلىك قۇندىلىقتاردى نىعايتۋ تۇرعىسىندا شارالاردىڭ جالپى ۇلتتىق جوسپارىن ازىرلەۋ كەرەك» ، - دەدى مەملەكەت باسشىسى.
پرەزيدەنت بۇل جوسپار قوعامدىق بىرلەستىكتەردىڭ، بۇقارالىق اقپارات قۇرالدارىنىڭ قاتىسۋىمەن بارلىق كەشەندى جۇمىستاردى قامتۋى ءتيىس ەكەنىن اتاپ ءوتتى.
«پرەزيدەنت اكىمشىلىگى مەن ەلدىڭ ۇكىمەتىنە ءبىر ايدىڭ ىشىندە وسىنداي ۇسىنىستى ەنگىزۋىن تاپسىرامىن» ، - دەپ ءتۇيدى ن. نازاربايەۆ.
اۆتور: رۋسلان عابباسوۆ