بۇل تۋرالى سەناتتىڭ باسپا ءسوز قىزمەتىنەن حابارلادى.
سەنات ءتوراعاسى افريكا قۇرلىعىندا جەتەكشى ورىن الاتىن وڭتۇستىك افريكا رەسپۋبليكاسىمەن كوپتاراپتى ىنتىماقتاستىقتى دامىتۋعا قازاقستاننىڭ مۇددەلى ەكەنىن اتاپ ءوتتى. ق. توقايەۆتىڭ پىكىرىنشە، پارلامەنتارالىق بايلانىستاردىڭ ماڭىزى زور.
ول ءبىزدىڭ ەلىمىزدەگى احۋالمەن تانىسۋ ءۇشىن و ا ر-دىڭ حالىق قالاۋلىلارىنا قازاقستانعا شاقىرۋىن جەتكىزدى. سەنات ءتوراعاسى الداعى جىلدىڭ ورتاسىندا بولاتىن الەمدىك جانە ءداستۇرلى دىندەر كوشباسشىلارىنىڭ سەزىنە ازىرلىك تۋرالى ەلشىنى حاباردار ەتتى.
ش. سوني ءوز كەزەگىندە قازاقستان پرەزيدەنتى ن. نازاربايەۆتىڭ الداعى ۋاقىتتاعى و ا ر-عا مەملەكەتتىك ساپارىنا ازىرلىك بارىسى تۋرالى ايتتى. سەنات ءتوراعاسى مەملەكەت باسشىسىنىڭ ساپارى ەكى ەلدىڭ ءتۇرلى سالالارداعى ىنتىماقتاستىعىن دامىتۋعا كۇشتى سەرپىن بەرەتىنى جايىندا پىكىرىن ءبىلدىردى.
اۆتور: سەرىك قاراجان