قازاقپارات اگەنتتىگى قۇتتىقتاۋ ءماتىنىن جاريالايدى.
قۇرمەتتى قازاقستاندىقتار!
بارشاڭىزدى وتباسى كۇنىمەن شىن جۇرەكتەن قۇتتىقتايمىن! وتباسى - قازاقستان قوعامىنىڭ دىڭگەگى، ەكونوميكاداعى، مادەنيەتتەگى، الەۋمەتتىك ساياساتتاعى بارلىق جاڭا جەتىستىكتەرىنىڭ نەگىزى.
تاباندىلىق، ەڭبەكسۇيگىشتىك، تۋعان جەردى قاستەرلەۋ، ۇلكەنگە قۇرمەت جانە قوناقجايلىلىق سياقتى حالقىمىزدىڭ ەڭ جاقسى رۋحاني- ادامگەرشىلىك قۇندىلىقتارى بەرىك وتباسىلىق داستۇرلەر ارقىلى ۇرپاقتان- ۇرپاققا جالعاسىپ كەلەدى.
«وتباسى كۇنى» وسى ۇلاعاتتى مۇرالارىمىزدى نىعايتىپ، جۇبايلىق ءومىردىڭ جاۋاپكەرشىلىگى مەن بالالارعا، اعا بۋىنعا ۇدايى قامقور بولۋدىڭ ماڭىزدىلىعىن جاستاردىڭ جادىنا سىڭىرە بەرمەك.
«قازاقستان-2050» ستراتەگياسىنىڭ ەڭ باستى ماقساتى - ءاربىر قازاقستاندىق وتباسىنىڭ ءال- اۋقاتىن ارتتىرۋ.
بۇگىنگى تاڭدا ءبىزدىڭ ورتاق تابىستارىمىزدىڭ ارقاسىندا الەۋمەتتىك تولەمدەر ارتىپ، وتاندىق ءبىلىم بەرۋدىڭ دەڭگەيى ءوسىپ كەلەدى. دەنساۋلىق ساقتاۋ سالاسىنا ەڭ جاڭا تەحنولوگيالار ەنگىزىلىپ، يندۋستريالىق- يننوۆاتسيالىق جوبالار اياسىندا بارلىق جەرلەردە جاڭا جۇمىس ورىندارى اشىلۋدا.
ءبىزدىڭ ەڭ باستى جەتىستىكتەرىمىزدىڭ ءبىرى - جالپىقازاقستاندىق بىرلىكتىڭ تەڭدەسسىز ينستيتۋتى - قازاقستان حالقى اسسامبلەياسىنىڭ تابىستى جۇمىسى.
17 ميلليون قازاقستاندىق - ورتاق كۇش جىگەرىمەن بيىك ماقساتتارعا ۇمتىلعان ءبىزدىڭ مەملەكەتىمىزدىڭ ۇزدىكسىز دامۋىن قامتاماسىز ەتەتىن ءبىرتۇتاس وتباسى.
مەنىڭ وكىمىممەن بيىل تۇڭعىش رەت «مەرەيلى وتباسى» ۇلتتىق بايقاۋى وتكىزىلۋدە.
ەلىمىزدىڭ بارلىق وڭىرلەرىندە ەڭ ۇزدىك وتباسىلار ىرىكتەلدى. ولار بارشا وتانداستارىمىزعا، ءبىرىنشى كەزەكتە، ەندى شاڭىراق كوتەرەتىن جاستارعا شىنايى ۇلگى- ونەگە.
مەرەكە كۇنى ءاربىر قازاقستاندىق وتباسىنا زور دەنساۋلىق، بەرەكە- بىرلىك پەن ىنتىماق تىلەيمىن.