بۇل تۋرالى بۇگىن دۋشانبەدە شاڭحاي ىنتىماقتاستىق ۇيىمىنا مۇشە- مەملەكەتتەر باسشىلارى كەڭەسىنىڭ كەڭەيتىلگەن قۇرامداعى وتىرىسىندا ەلباسى نۇرسۇلتان نازاربايەۆ وسىلاي ءمالىم ەتتى.
«ءبىزدىڭ بارلىعىمىزدى دا ۋكرايناداعى احۋال بارىنشا الاڭداتادى. داعدارىستىڭ اۋقىمى مەن ىقپالى بۇل ەلدەن باياعىدا- اق تىسقارى شىعىپ كەتتى» ، - دەدى ن. نازاربايەۆ.
وسى رەتتە ەلباسى شىعىس ۋكرايناداعى احۋال شۇعىل اراداعى شارالار مەن ءىس- قيمىلداردى تالاپ ەتەتىندىگىن باسا ايتتى. «پروبلەمانىڭ ۇزاقمەرزىمدى جالعىز شەشىمى - بۇل ساياسي ديالوگ پەن كونسەنسۋس. اعىمداعى جىلدىڭ 26 - تامىزىندا ورىن العان مينسك كەزدەسۋىنىڭ ماڭىزدىلىعىن دا اتاپ ءوتۋ قاجەت. رەسەي پرەزيدەنتى ۇسىنعان جانجالدى رەتتەۋدىڭ كەزەڭ- كەزەڭدىك جوسپارى داعدارىستى بەيبىت جولمەن شەشۋدەگى ماڭىزدى قۇجاتقا اينالدى» ، - دەگەن ق ر پرەزيدەنتى تاراپتاردى اتالعان قۇجاتتى قاتاڭ ۇستانۋعا شاقىردى.
تاياۋ شىعىس لاڭكەستىكتىڭ يىرىمىنە شىرمالىپ تۇر.
«تاياۋ شىعىستاعى جاعداي دا قيىن بولىپ وتىر. سيريا، ليۆيا، يراك، پالەستينا- يزرايل جانجالى تۇراقسىزدىقتىڭ باقىلاۋدان شىعىپ كەتكەن وشاعىنا اينالدى. ءوڭىر لاڭكەستىكتىڭ يىرىمىنە شىرمالعان» ، - دەدى قازاقستان كوشباسشىسى.
ەلباسىنىڭ اتاپ وتۋىنشە، دەسترۋكتيۆتى ەلەمەنتتەر تەك قانا وڭىرلىك قانا ەمەس، سونىمەن بىرگە حالىقارالىق قاۋىپسىزدىككە دە تىكەلەي قاتەر توندىرەدى.
«بۇل ەلدەردەگى داعدارىستى احۋالدىڭ گۋمانيتارلىق سالدارى دا قيىن ەكەندىگى بەلگىلى» ، - دەدى ن. نازاربايەۆ.