وتىرىسقا قازاقستان پرەزيدەنتى نۇرسۇلتان نازاربايەۆ، ق ح ر ءتوراعاسى شي جينپيڭ، رەسەي پرەزيدەنتى ۆلاديمير پۋتين، وزبەكستان پرەزيدەنتى يسلام كارىموۆ، قىرعىزستان پرەزيدەنتى المازبەك اتامبايەۆ، تاجىكستان پرەزيدەنتى ەمومالي راحمون قاتىسۋدا.
سونىمەن قاتار ش ى ۇ مەملەكەت باسشىلارى كەڭەسىنىڭ وتىرىسىنا قاتىسۋ ءۇشىن ش ى ۇ جانىنداعى بايقاۋشى مەملەكەتتەر - اۋعانستان، ءۇندىستان، يران، موڭعوليا جانە پاكىستان باسشىلارى، ءتوراعالىق ەتۋشى تاراپتىڭ قوناعى رەتىندە تۇركىمەنستان، حالىقارالىق ۇيىمدار (ب ۇ ۇ، ەۋرازەق، ت م د، ۇ ق ش ۇ، ا س ە ا ن) باسشىلارى دا كەلگەن.
سامميت بارىسىندا تاراپتار داستۇرگە سايكەس وڭىرلىك جانە حالىقارالىق وزەكتى ماسەلەلەر، سونىڭ ىشىندە اۋعانستانداعى، تاياۋ شىعىس مەملەكەتتەرى، سولتۇستىك افريكا جانە باسقا دا ش ى ۇ كەڭىستىگىنە ىرگەلەس وڭىردەگى احۋال بويىنشا پىكىر الماسادى دەپ كۇتىلۋدە.
ايتا كەتەيىك، ش ى ۇ- نىڭ قۇرىلعانىن 2001 - جىلدىڭ 15 - ماۋسىمىندا شاڭحايدا قازاقستان، قىتاي، قىرعىزستان، رەسەي، تاجىكستان جانە وزبەكستان مەملەكەتتەرى جاريا ەتكەن بولاتىن. ۇيىمنىڭ نەگىزگى ماقساتى - مۇشە مەملەكەتتەر اراسىندا ءوزارا سەنىم، دوستىق، تاتۋ كورشىلىك قارىم- قاتىناستاردى نىعايتۋ، ساياسي، ساۋدا- ەكونوميكالىق، عىلىمي- تەحنيكالىق، ءبىلىم بەرۋ، قۋات كوزى، كولىك، ەكولوگيالىق جانە وزگە دە سالالاردا ءتيىمدى ارىپتەستىك شارالارىن دامىتۋ، ورتاق كۇش جۇمساپ ايماقتىق بەيبىت ءومىردى، قاۋىپسىزدىكتى جانە تۇراقتىلىقتى قامتاماسىز ەتۋ، دەموكراتيالىق، ءادىل جانە ۇتىمدى ساياسي، ەكونوميكالىق حالىقارالىق ءتارتىپ ورناتۋعا جاعداي جاساۋ.
اۆتور: مارلان جيەمباي