اقوردا سايتىندا حابارلانعانداي، استانادا مەملەكەت باسشىسى نۇرسۇلتان نازاربايەۆ يران پرەزيدەنتى حاسان رۋحانيمەن كەزدەسۋ وتكىزەدى.
11-12 - قىركۇيەك كۇندەرى قازاقستان پرەزيدەنتىنىڭ دۋشانبە قالاسىندا وتەتىن شاڭحاي ىنتىماقتاستىق ۇيىمى مۇشە- مەملەكەتتەرى باسشىلارىنىڭ وتىرىسىنا قاتىسۋى جوسپارلانىپ وتىر.
يران پرەزيدەنتى استاناعا نۇرسۇلتان نازاربايەۆتىڭ شاقىرۋىمەن كەلەدى. يران باسشىسىنىڭ ساپارى قازاقستانعا عانا ەمەس، تۇتاستاي العاندا ورتالىق ازياعا العاشقى كەلۋى بولماق.
ن. نازاربايەۆ 2013 - جىلى تامىزدا ح. رۋحانيدىڭ ۇلىقتاۋ سالتاناتىنا قاتىسقان بولاتىن.