مەملەكەت باسشىسى كاسىپورىن قىزمەتكەرلەرىن جانە قالا تۇرعىندارىن بۇل اتاۋلى كۇنمەن قۇتتىقتادى جانە س س ك ءو ب- تە ۇلكەن پەرسپەكتيۆالار بار ەكەنىن اتاپ ءوتتى.
«بۇگىندە مۇندا ءوندىرىس جاڭارتىلدى. جالپى كولەمى 250 ميلليارد تەڭگەنىڭ 3 ۇلكەن ينۆەستيتسيالىق جوباسىن جۇزەگە اسىرۋعا ازىرلىك جۇرگىزىلۋدە. 1,5 مىڭ جاڭا جۇمىس ورىندارى اشىلاتىن بولادى» ، - دەدى پرەزيدەنت.
ول قالالىقتارعا قازاقستان ەكونوميكاسى ءۇشىن داعدارىسقا تولى جىلدارى ولاردىڭ «ءوز كاسىپورىندارىنا، كاسىپتەرى مەن وتانىنا ادال بولىپ قالعاندارى» ءۇشىن العىسىن ايتتى.
«ەلىمىزدەگى تۇراقتىلىقتىڭ ارقاسىندا ءبىز جاڭا مىندەتتەردى جۇزەگە اسىرىپ كەلەمىز. ءبىز جاقىن جانە الىس شەتەلدەردە قانداي قاقتىعىستار مەن قاۋىپ- قاتەرلەردىڭ ورىن الىپ وتىرعانىن كورىپ وتىرمىز. ونداي جاعداي ءبىزدىڭ باسىمىزعا دا تۋۋى مۇمكىن. الايدا ءبىز بارلىق قيىندىقتاردى جەڭەمىز» ، - دەدى ن. نازاربايەۆ.