اقمولا وبلىسىندا اۋىل اكىمى مەملەكەتتىك قىزمەتتىڭ بەدەلىن تۇسىرگەنى ءۇشىن جۇمىستان بوساتىلدى
كوكشەتاۋ. KAZINFORM - سەلينوگراد اۋدانىنىڭ پروكۋراتۋراسى تىركەلگەن قىلمىس پەن وقيعالاردىڭ جەدەل ەسەبىن تالداۋ بارىسىندا لاۋازىمدى تۇلعا مەن مەملەكەتتىك قىزمەتكە كىر كەلتىرەتىن ارەكەت جاساعان فاكتىنى انىقتادى. بۇل تۋرالى اقمولا وبلىسى پروكۋراتۋراسى ءمالىم ەتتى.
- قوعامدىق ورىندا ماساڭ كۇيدە بىرنەشە ادام اراسىندا جانجال تۋىنداپ، ناتيجەسىندە ءبىر-بىرىنە دەنە جاراقاتىن سالعانى انىقتالدى. اتالمىش فاكت بويىنشا سوتقا دەيىنگى تەرگەپ-تەكسەرۋ باستالىپ، تاراپتاردىڭ تاتۋلاسۋىنا بايلانىستى توقتاتىلدى، - دەلىنگەن حابارلامادا.
اۋدان پروكۋراتۋراسىنىڭ اكتىسى نەگىزىندە مەملەكەتتىك قىزمەت ىستەرى جونىندەگى ۋاكىلەتتى ورگاننىڭ ادەپ جونىندەگى كەڭەسىنىڭ شەشىمىمەن تارتىپتىك تەرىس قىلىق جاساعانى ءۇشىن قابانباي باتىر اۋىلدىق وكرۋگ اكىمى قىزمەتىنەن بوساتىلدى.
بۇعان دەيىن حابارلانعانداي، اقمولا وبلىسىندا قاراقشىلىق شابۋىل جاساعان كۇدىكتىلەر ۇستالدى.