الەمدە جيىلەگەن تابيعات اپاتتارىنا قارسى تۇرۋ ءۇشىن كۇش جۇمىلدىرۋ ماسەلەسى اسا وزەكتى - پرەزيدەنت
استانا. KAZINFORM - پرەزيدەنت مۇناي، گاز، ۋران جانە تاعى دا باسقا تاۋارلاردى جەتكىزۋ تىزبەگىن ءارتاراپتاندىرۋ ىسىندە ۇيىمنىڭ الەۋەتىن پايدالانۋ قاجەت ەكەنىنە نازار اۋداردى. بۇل تۋرالى اقوردانىڭ باسپا ءسوز قىزمەتى حابارلادى.
وسى رەتتە قازاقستاننان ەۋروپا باعىتىندا مۇناي جەتكىزۋدى ارتتىرۋ جوباسىن قولداعانى ءۇشىن ازەربايجان پرەزيدەنتى يلحام اليەۆكە العىس ايتتى.
بۇدان بولەك، قاسىم-جومارت توقايەۆ سوڭعى ۋاقىتتا حالىقارالىق ساراپشىلار ترانس كاسپي مۇناي جانە گاز قۇبىرلارىن سالۋ باستاماسىن تالقىلاپ جۇرگەنىن اتاپ ءوتىپ، مۇنداي جوبالار وتە اۋقىمدى جانە ترانسۇلتتىق دەڭگەيدەگى ىقپالداستىقتى تالاپ ەتەتىنىن جەتكىزدى.
مەملەكەت باسشىسىنىڭ ايتۋىنشا، سيفرلاندىرۋ جانە اقپاراتتىق تەحنولوگيالار سالاسىنداعى ىنتىماقتاستىقتىڭ بولاشاعى زور. بيىل ەلىمىز كاسپي تەڭىزى ارقىلى وپتيكالىق-تالشىقتى كابەل تارتۋ جوباسىن جۇزەگە اسىرا باستادى. سونىڭ ناتيجەسىندە ايماقتاعى سيفرلىق بايلانىس نىعايا تۇسەدى.
- ەلدەرىمىز اراسىنداعى ساۋدا-ساتتىقتى جانداندىرىپ، تاۋار ءتۇرىن كوبەيتۋ قاجەت. وتكەن جىلى قازاقستاننىڭ ۇيىمعا مۇشە ەلدەرمەن اراداعى الىس-بەرىسى 11,4 ميلليارد دوللارعا جەتتى. بۇل - ەلىمىزدىڭ سىرتقى ساۋداسىنىڭ 8 پايىزىنا تەڭ. ارينە، جاقسى كورسەتكىش. دەگەنمەن ونى ارتتىرا ءتۇسۋ كەرەك. وسىعان وراي، ساۋدا-ساتتىقتى دامىتۋ ءۇشىن ارنايى قۇجات ازىرلەۋدى ۇسىنامىن، - دەدى پرەزيدەنت.
سونداي-اق اۋىل شارۋاشىلىعى سالاسىنداعى ىقپالداستىقتى كۇشەيتۋگە باسا ءمان بەرىلدى. قاسىم-جومارت توقايەۆ ازىق-تۇلىك قاۋىپسىزدىگى جونىندەگى يسلام ۇيىمى مەن تۇركى مەملەكەتتەرى ۇيىمى اراسىنداعى ىنتىماقتاستىقتى ارتتىرۋدىڭ ماڭىزىنا توقتالدى.
مەملەكەت باسشىسىنىڭ پىكىرىنشە، الەمدە جيىلەگەن تابيعات اپاتتارىنا قارسى تۇرۋ ءۇشىن كۇش جۇمىلدىرۋ ماسەلەسى اسا وزەكتى. ماسەلەن، سوڭعى جىلدارى كاسپي تەڭىزىنىڭ دەڭگەيى ايتارلىقتاي تومەندەپ كەتتى. بۇل جاعداي ايماقتىڭ ەكولوگياسى مەن ەكونوميكاسىنا، حالىقتىڭ ءال- اۋقاتىنا كەرى اسەرىن تيگىزۋدە. پرەزيدەنت تۇركى ەلدەرىن وسىعان قاتىستى بىرلەسكەن عىلىمي زەرتتەۋلەر جۇرگىزۋگە جانە ورتاق جوبالار ازىرلەۋگە ۇندەدى.
سامميتتە ماجارستان پرەمەر-ءمينيسترى ۆيكتور وربان، قىرعىزستان پرەزيدەنتى سادىر جاپاروۆ، ازەربايجان پرەزيدەنتى يلحام اليەۆ، تۇركيا پرەزيدەنتى رەجەپ تايپ ەردوعان، وزبەكستان پرەزيدەنتى شاۆكات ميرزيەۆ جانە ت م ۇ باس حاتشىسى كۋبانىچبەك ومىراليەۆ ءسوز سويلەدى.
ايتا كەتەلىك پرەزيدەنت تۇركى مەملەكەتتەرى ۇيىمىنىڭ بەيرەسمي سامميتىنە قاتىستى. سونىمەن قاتار بۋداپەشتتەگى Varkert Bazar پاۆيلونىنا بارعان ەدى.