ءىس بويىنشا ءبىرقاتار لاۋازىمدى تۇلعا كۇدىككە ءىلىندى. بۇل تۋرالى باس پروكۋراتۋرا ءمالىم ەتتى.
پروكۋراتۋرانىڭ مالىمەتىنشە، وقيعا ورنىنا قاراپ-تەكسەرۋ جۇرگىزىلىپ، 30 دان استام اسكەري قىزمەتشىدەن جاۋاپ الىنىپ، قۇجاتتار مەن بەينەماتەريالدار تاركىلەنگەن. 12 ساراپتاما تاعايىندالىپتى.
- قىزمەتكە سالعىرت قارادى دەپ كۇدىك كەلتىرىلگەن، سونداي-اق مەتەورولوگيالىق جاعدايلاردى ەسكەرە وتىرىپ، جەكە قۇرامنىڭ قاۋىپسىزدىگىن قامتاماسىز ەتۋ ءۇشىن ءتيىستى باقىلاۋ مەن قاجەتتى شارالاردىڭ قابىلدانۋىن قامتاماسىز ەتپەگەن، قۇتقارۋ جۇمىستارىن تيىسىنشە ۇيىمداستىرماعان، سونىڭ سالدارىنان ادامداردىڭ قازا بولۋىنا اكەپ سوققان لاۋازىمدى تۇلعالار انىقتالدى،-دەپ حابارلادى قۇزىرلى ورگاننان.
تەرگەۋ بارلىق كۇدىكتىلەردىڭ ارەكەتتەرىنە تولىق قۇقىقتىق باعا بەرىپ، ولارعا قاتىستى پروتسەستىك شارالار قابىلدايدى.
ەسكە سالايىق، 2026-جىلعى 24-قىركۇيەكتە كاسپيدەگى اسكەري وقۋ-جاتتىعۋ كەزىندە 12 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى.
بۇگىن كاسپيدە ەكى اسكەري قىزمەتشىنى ىزدەۋ وپەراتسياسىنا جۇزدەگەن ادام جۇمىلدىرىلعانى حابارلاندى.