جەدەلحاتتاردى ماڭعىستاۋ جانە تۇركىستان وبلىستارىنىڭ باسشىلارى، باس ءمۇفتي ناۋرىزباي تاعان ۇلى مەن قوعام بەلسەندىلەرى وقىپ، تابىستادى.
- پرەزيدەنت مارقۇمداردىڭ تۋعان-تۋىستارى مەن جاقىندارىنا قولداۋ ءبىلدىرىپ، ولارعا بارلىق قاجەتتى كومەك كورسەتىلەتىنىن، ال كىنالىلەر ەڭ قاتاڭ جازاعا تارتىلاتىنىن ايتتى. قاسىم-جومارت توقايەۆتىڭ جەدەلحاتىندا اسكەري قىزمەتشىلەردىڭ مەملەكەتتىك ماراپاتتارعا ۇسىنىلاتىنى ايرىقشا اتاپ ءوتىلدى، - دەلىنگەن حابارلامادا.
ەسكە سالايىق، 2026-جىلعى 24-قىركۇيەكتە كاسپيدەگى اسكەري وقۋ-جاتتىعۋ كەزىندە 9 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى.
كەيىننەن كاسپيدە قازا بولعان اسكەري قىزمەتشىلەردىڭ سانى 12 گە جەتىپ، ەكەۋى ىزدەستىرىلىپ جاتقانى حابارلاندى.
قورعانىس مينيسترلىگى وقۋ-جاتتىعۋ كەزىندە قازا تاپقان اسكەري قىزمەتشىلەردىڭ ءتىزىمىن جاريالادى.
اسكەري قىزمەتشىلەردىڭ قازا بولۋ فاكتىسى بويىنشا قىلمىستىق ءىس قوزعالىپ، تەرگەلىپ جاتقانىن جازدىق.
سونىمەن قاتار، پرەزيدەنت قاسىم-جومارت توقايەۆ ماڭعىستاۋ وبلىسىندا اسكەري وقۋ-جاتتىعۋ كەزىندەگى قايعىلى وقيعا سالدارىنان قازا تاپقان اسكەري قىزمەتشىلەردىڭ تۋعان-تۋىستارىنا كوڭىل ايتتى.
اسكەريلەردىڭ قازاسىنان كەيىن اقتاۋدا ءۇش كۇنگە جوسپارلانعان مەرەكەلىك شارالار وتپەيتىنى ايتىلدى.
بۇگىن كاسپيدە ەكى اسكەري قىزمەتشىنى ىزدەۋ وپەراتسياسىنا جۇزدەگەن ادام جۇمىلدىرىلعانى حابارلاندى.
سونىمەن قاتار اسكەري قىزمەتشىلەردىڭ قاۋىپسىزدىگىنە جاۋاپتى تۇلعالار كۇدىككە ىلىنگەنى تۋرالى جازعان ەدىك.
ايتا كەتەلىك كاسپيدەگى توتەنشە جاعدايدان كەيىن قۇتقارىلعان اسكەري قىزمەتشى ەسىن جيعان ەدى.
بۇگىن كاسپي تەڭىزىندە جوعالعان ەكى اسكەري قىزمەتشىنىڭ دەنەسى تابىلىپ، ىزدەستىرۋ وپەراتسياسى اياقتالعان ەدى.
سونىمەن قاتىر كاسپييدەگى اسكەري قىزمەتشىلەردىڭ قازاسىنا بايلانىستى قىلمىستىق ءىس ەكى باپ بويىنشا تەرگەلىپ جاتىر.
قىزمەتكە سالعىرت قاراۋ جانە كورابل جۇرگىزۋ قاعيدالارىن بۇزۋ بويىنشا اۋىر زارداپتارعا اكەپ سوققان قىلمىستىق قۇقىق بۇزۋشىلىقتار جاسادى دەگەن كۇدىكپەن قازاقستان رەسپۋبليكاسى قارۋلى كۇشتەرىنىڭ جوعارى جانە اعا كوماندالىق قۇرامىنداعى جاۋاپتى لاۋازىمدى تۇلعالار ۇستالدى.
قورعانىس ءمينيسترى، اۆياتسيا گەنەرال-لەيتەنانتى داۋرەن قوسانوۆ كىنالى تۇلعالار جاۋاپكەرشىلىكتەن جالتارمايتىنىن ايتتى.