«وسىعان دەيىن حابارلاعانىمىزداي، قازاقستان مەن قىتاي اراسىنداعى بارلىق تۇراقتى رەيس 2020 -جىلدىڭ 3 - اقپانىنان باستاپ توقتاتىلعان ەدى. ماحان- ەير اۋە كومپانياسىنىڭ الماتى - تەگەران باعدارى بويىنشا رەيستەرى توقتاتىلدى. الماتى - باكۋ جانە اقتاۋ - باكۋ باعدارى بويىنشا ازەربايجانمەن ارادا اپتاسىنا 15 رەيس بار بولاتىن. ءبىز الماتى - باكۋ رەيسىن 5-تەن 1 رەيسكە دەيىن، ال اقتاۋ - باكۋ رەيستەرىن 7-دەن 1-گە دەيىن قىسقارتتىق»، - دەدى بەرىك قاماليەۆ و ك ق- دا وتكەن باسپا ءسوز ءماسليحاتىندا.
ۆيتسە- مينيستر بۇل شەشىمدى ۇكىمەت جانىنداعى ۆەدومستۆوارالىق كوميسسيا قابىلداعانىن ەسكە سالدى.
«1 - ناۋرىزدان باستاپ ءبىز نۇر- سۇلتان مەن سەۋل اراسىنداعى اۋە رەيستەرىن 9-دان 3-كە دەيىن ازايتتىق. بۇل رەيستەردى «ەير استانا» مەن وڭتۇستىككورەيالىق «Asiana» اۋە كومپانياسى ورىنداپ كەلگەن. كوميسسيا سونىمەن بىرگە 8 - ناۋرىزدان باستاپ وڭتۇستىك كورەيانىڭ ازاماتتارى مەن 1 - ساناتتاعى ەلدەر ازاماتتارىنىڭ ەلگە كىرۋىن شەكتەۋ تۋرالى شەشىم قابىلدادى. وسىعان بايلانىستى سەۋل - الماتى جانە سەۋل- نۇر- سۇلتان باعدارى بويىنشا ساپارعا جاۋاپتى اۋە كومپانيالاردىڭ بارىنە بۇگىن راديوگرامما جىبەردىك»، - دەدى ۆيتسە- مينيستر.
سونىمەن قاتار، 8 - ناۋرىزدان باستاپ ترانزيتتىك جولاۋشىلاردىڭ كىرۋىنە دە شەكتەۋ ەنگىزىلەتىنىن ءمالىم ەتتى.
«ءبىزدىڭ كەيبىر ازامات ءۇشىنشى ەل ارقىلى ەلگە كەلەدى. ءۇشىنشى ەل ارقىلى باسقا ەلدەردەن كەلەتىن ترانزيتتىك جولاۋشىلار دا بار. سول سەبەپتى ءبىز باسقا اۋە كومپانيالارىن ەسكەرتىپ، 1 ساناتقا كىرەتىن ەلدەردىڭ ازاماتتارى قازاقستانعا 8 - ناۋرىزدان باستاپ كىرە المايتىنىن ەسكەرتىپ جاتىرمىز»، - دەدى بەرىك قاماليەۆ.
اۆتور: ايان بەكەن ۇلى