سونداي-اق ۇلتتىق بانكتىڭ التىن ساتىپ الۋ جوسپارلارى تۋرالى ايتىپ بەردى، دەپ حابارلايدى قازاقپارات ءتىلشىسى.
«اقپان ايىندا ۇلتتىق قوردان بيۋجەتكە الىناتىن ترانسفەرت 263 ميلليارد تەڭگەنى قۇرادى. كەپىلدەندىرىلگەن ترانسفەرتتى قامتاماسىز ەتۋ ءۇشىن 462,5 ميلليون دوللار نەمەسە 175 ميلليارد تەڭگە ساتىلدى. بارلىق كولەمدى ءبىر ايدىڭ ىشىندە بيرجادا ساتتىق»، - دەدى ۇلتتىق بانك ءتوراعاسىنىڭ ورىنباسارى.
سونداي-اق، ول ۆاليۋتالىق ينتەرۆەنتسيانىڭ اسەرى تۋرالى ايتتى.
«الدىن الا مالىمەتتەر بويىنشا، رەزەرۆتەر ءبىر ايدا 550 ميلليون دوللارعا ارتىپ، 29,9 ميلليارد دوللاردى قۇرادى. قورلاردىڭ ۆاليۋتالىق بولىگى 104 ميلليون دوللاردان 9,6 ميلليارد دوللارعا تومەندەدى. بۇل التىن پورتفەلىنىڭ قۇنىن 658 ميلليون دوللاردان 20,3 ميلليارد دوللارعا دەيىن ۇلعايتۋمەن تولىقتى. ءوز كەزەگىندە، التىن اكتيۆتەرى 1580 دوللاردان 1626 دوللارعا دەيىن ءوستى. بۇل الەمدىك ەكونوميكانىڭ باياۋلاۋىنا جانە تازارتىلعان التىننىڭ فيزيكالىق كولەمىنىڭ 1,7 تونناعا ارتۋىنا بايلانىستى بولدى»، - دەدى ءاليا مولدابەكوۆا.
اقپان ايىندا جەرگىلىكتى وندىرۋشىلەردەن 3,6 تونناعا جۋىق التىن ساتىپ الىندى، ونىڭ ىشىندە جاڭا تۇجىرىمداما اياسىندا 1,9 توننا ۇلتتىق قورعا ساتىلدى.
«ءوزىمىزدىڭ ەلدە وندىرىلگەن التىندى ساتىپ الۋدى جالعاستىرامىز. 2019-جىلى شامامەن 57 توننا التىن ساتىپ الىندى، بيىل 60 تونناعا جۋىعىن ساتىپ الۋدى جوسپارلاپ وتىرمىز. الەمدىك قارجى نارىعىنداعى بەلگىسىزدىك جاعدايىندا قازىر التىن حالىقارالىق رەزەرۆتەردىڭ ساقتالۋىن قامتاماسىز ەتەتىن قاۋىپسىز اكتيۆتىڭ ءبىرى ەكەنىن كورسەتەدى»، - دەدى ءا. مولدابەكوۆا.
سونىمەن قاتار، ول التىن ۆاليۋتا اكتيۆتەرى مەن ۇلتتىق قورعا ارنالعان ينۆەستيتسيالىق ستراتەگيالاردىڭ جوباسى تۋرالى ايتىپ بەردى.
«التىن ۆاليۋتا اكتيۆتەرى تۇرعىسىنان العاندا اقش دوللارىنىڭ ۇلەسى %52 دان %62 دەيىن ءوستى. بۇل كورەي ۆونى مەن جاپون يەناسىنا سالىنعان ينۆەستيتسيالاردىڭ ازايۋىنا بايلانىستى بولىپ وتىر. جاڭا ۆاليۋتانى ءبولۋ تاۋەكەلدىڭ قالىپتى دەڭگەيىندە اكتيۆتەردىڭ كىرىستىلىگىن ارتتىرادى. ۇلتتىق قور جيناق پورتفەلىنىڭ %1 دەيىن قىتايدىڭ مەملەكەتتىك وبليگاتسيالارىن ينۆەستيتسيالاۋدى جوسپارلاپ وتىر. يۋان الەمدىك كاپيتال نارىعىنىڭ اجىراماس بولىگىنە اينالۋدا. الەمدىك يندەكستەرگە قىتايدىڭ باعالى قاعازدارىن قوسۋ ينستيتۋتسيونالدى ينۆەستورلار تاراپىنان سۇرانىستىڭ ارتۋىنا اكەلۋى مۇمكىن. بۇل وزگەرىستەر رەنتابەلدىلىكتى ارتتىرىپ قانا قويماي، اكتيۆتەردى ستراتەگيالىق ءبولۋدى وڭتايلاندىرادى»، - دەدى ۇلتتىق بانك ءتوراعاسىنىڭ ورىنباسارى.