بۇل تۋرالى ق ر ۇلتتىق ەكونوميكا ءمينيسترى الىبەك قۋانتىروۆ ۇكىمەت وتىرىسىندا باياندا- دى.
«بيىلعى ءبىرىنشى جارتىجىلدىقتىڭ قورتىندىسى بويىنشا، قازاقستان ەكونوميكاسىنىڭ ءوسۋ قارقىنى % 5 قۇرادى. ونىڭ ىشىندە ناقتى سەكتور % 4,8، قىزمەت كورسەۋ سالاسى - % 4,9 ءوستى. نەگىزگى سالالاردىڭ بارلىعىندا وڭ ديناميكا بايقالدى. اسىرەسە قۇرىلىس، ساۋدا، اقپارات جانە بايلانىس ەڭ جوعارى ءوسۋدى كورسەتتى»، - دەدى مينيستر.
ونىڭ ايتۋىنشا، نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى % 13، ينۆەستيسيالار اعىنى كولىك جانە قويمالاۋدا - % 57، ساۋدادا - % 32، اۋىل شارۋاشىلىعىندا -% 22، ءبىلىم بەرۋدە -% 21,5 سونداي- اق ونەركاسىپتە -% 10,9، ونىڭ ىشىندە تاۋ- كەن ونەركاسىبىن- دە -% 11,4 ءوستى.
وڭىرلەر اراسىندا ەڭ جوعارعى ءوسىم اباي، ماڭعىستاۋ، باتىس قازاقستان وبلىستارىندا جانە شىمكەنت قالاسىندا بايقالدى.
«الدىن الا قورىتىندى بويىنشا 2023 -جىلعى قاڭتار- مامىردا سىرتقى ساۋدا تاۋار اينالىمى % 8- كە ءوسىپ، 55,8 ميلليارد دوللاردى قۇرادى. ەكسپورت 31,6 ميلليارد دوللاردى قۇرادى. بۇل رەتتە وڭدەلگەن تاۋارلار ەكسپورتى % 3,8- كە ۇلعايىپ، 10,2 ميلليارد دوللارعا جەتتى. تاۋارلار يمپورتى 24,2 ميلليارد دوللارعا جەتتى. جالپى، وڭ ساۋدا بالانسى 7,4 ميلليارد دوللارعا تەڭ»، - دەدى الىبەك قۋانتىروۆ.
بۇگىن ۇكىمەت وتىرىسىندا پرەمەر- مينيستر ءاليحان سمايىلوۆ 1-جارتىجىلدىقتا ءوسىم كورسەتكەن سالالاردى اتادى.
«ءبىرىنشى جارتىجىلدىقتىڭ قورىتىندىسى بويىنشا جالپى ىشكى ءونىم 5 پايىزعا ناقتى تۇردە ءوسىپ وتىر. نەگىزىنەن بۇعان تاۋ- كەن ءوندىرۋ جانە وڭدەۋ ونەركاسىبى، قۇرىلىس جانە قىزمەت كورسەتۋ سالالارى ۇلەس قوستى. وڭدەۋ ونەركاسىبى بويىنشا ماشينا جاساۋدا - شامامەن 30 ، ونىڭ ىشىندە اۆتوموبيل جاساۋدا – 40، لوكوموتيۆتەر مەن ۆاگوندار وندىرىسىندە – 36، ەلەكتر جابدىقتارىن شىعارۋدا 35 پايىز ءوسىم تىركەلدى. جەڭىل ونەركاسىپ – 24، ونىڭ ىشىندە تەكستيل ءوندىرىسى 42 پايىزعا جۋىق ءوستى» ، - دەدى ول.
ۇكىمەت باسشىسىنىڭ دەرەگىنشە، سۋسىندار، ازىق- تۇلىك، پلاستماسسا بۇيىمدارى، مينەرالدى ونىمدەر، دايىن مەتالل بۇيىمدارى ءوندىرىسى دە ۇلعايدى. حيميا ونەركاسىبىندە ءوسىم 3,5 پايىزدى قۇرادى.
«تاۋ- كەن سالاسىنداعى وڭ سەرپىن شيكى مۇنايدىڭ 5,6 جانە تابيعي گازدىڭ 2,5 پايىز ۇلعايۋى ەسەبىنەن قامتاماسىز ەتىلدى. قۇرىلىستا 12 پايىزدان استام ورنىقتى ءوسىم قالىپتاستى. اۋىل شارۋاشىلىعىندا ءوسىم - 3 پايىز. قىزمەت كورسەتۋ سالاسى شامامەن 5 پايىزعا ءوستى. ول ساۋدا- ساتتىقتىڭ - 10,4، اقپارات پەن بايلانىستىڭ - 8,8 جانە كولىك سالاسىنىڭ 7,4 پايىزعا ءوسۋى ەسەبىنەن قامتاماسىز ەتىلدى. تاۋ- كەن ءوندىرۋدى ەسەپكە الماعاندا نەگىزگى كاپيتالعا سالىنعان ينۆەستيتسيالار 14 پايىزعا جۋىق ءوستى»، - دەدى ءاليحان سمايىلوۆ.