بۇل تۋرالى ق ر د س م ينفەكسيالىق اۋرۋلاردى ەپيدەميولوگيالىق قاداعالاۋ باسقارماسىنىڭ باسشىسى روزا قوجاپوۆا ايتىپ بەردى، دەپ حابارلايدى قازاقپارات ءتىلشىسى.
«الەمدە دەلتا (ءۇندى) شتامىنىڭ تارالۋىنا بايلانىستى ق ر اۋماعىندا كوروناۆيرۋس ينفەكسياسىمەن اۋىراتىن ناۋقاستاردان الىنعان وڭ زەرتحانالىق سىنامالارعا سكرينينگ جۇرگىزىلەدى. 2021-جىلعى 1- شىلدەدەگى جاعداي بويىنشا ءۇندى شتامىن انىقتاۋعا 414 تەن استام سىناما سكرينينگى جۇرگىزىلدى، ناتيجەسىندە H دا جانە بارلىق وبلىستاردا، نۇر-سۇلتان، الماتى جانە شىمكەنت قالالارىندا ءۇندى شتام انىقتالدى»، - دەدى ر. قوجاپوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
د د س ۇ مالىمەتتەرى بويىنشا، بۇگىندە دەلتا شتامى الەمنىڭ 104 ەلىندە انىقتالعان. قازىرگى ۋاقىتتا حالىقتى ك ۆ ي- گە قارسى ۆاكسينالاۋعا كوپ كوڭىل بولىنۋدە.
«ەلىمىزدە ۆاكسينانىڭ ءبىرىنشى كومپونەنتىن 4601830 ادام سالعىزدى، بۇل ءتيىستى حالىقتىڭ F,5 قۇرايدى. ەكىنشى كومپونەنتتى 2541853 ادام الدى. بۇگىنگى تاڭدا ۆاكسينالاۋ بەكەتتەرىندە ەكپە سانى جەتكىلىكتى - ءبىرىنشى كومپونەنتتىڭ شامامەن 753 مىڭ دوزاسى، ەكىنشى كومپونەنتتىڭ 1 ميلليون 280 مىڭنان استامى بار. وسى ءساتتى پايدالانىپ، ۆاكسينالاۋدىڭ جۇقپالى اۋرۋلاردىڭ الدىن الۋدىڭ ەڭ ءتيىمدى ادىستەرىنىڭ ءبىرى ەكەنىنە حالىقتىڭ نازارىن اۋدارعىم كەلەدى. بارشاڭىزدى مۇمكىندىگىنشە مەديتسينالىق سەبەپتەر بولماعان جاعدايدا، ەگۋ پۋنكتتەرىنە بارىپ، ۆاكسينا الۋعا شاقىرامىن»، - دەيدى روزا قوجاپوۆا.