بالالارعا ارنالعان قولدانىستاعى الەۋمەتتىك كەپىلدىكتەر تۋرالى وقۋ-اعارتۋ ءمينيسترى جۇلدىز سۇلەيمەنوۆا باياندادى.
اشىقتىقتى ارتتىرۋ ءۇشىن تاماقتانۋ ەسەبى «الەۋمەتتىك ءاميان» جۇيەسىمەن بىرىكتىرىلگەن: اۆتوماتتاندىرىلعان جۇيە ءار وقۋشىنىڭ تاماقتانۋ فاكتىسىن، كۇنىن جانە ۋاقىتىن تىركەيدى. وقۋ-اعارتۋ مينيسترلىگىنىڭ مالىمەتىنشە، ەكولوگيالىق تاقىرىپ جاراتىلىستانۋ، گەوگرافيا، بيولوگيا، حيميا، فيزيكا جانە تەحنولوگيا باعدارلامالارىنا بىرىكتىرىلگەن.
مەكتەپتەردە 4 مىڭنان استام «جاسىل كلۋب» بىرلەستىگى جۇمىس ىستەيدى، ولارعا 125 مىڭنان استام بالا بارىپ ءجۇر. ProEko رەسپۋبليكالىق ەكولوگيالىق جوبالار كونكۋرسىنا 38,7 مىڭ وقۋشى قاتىستى.
وسى جىلدىڭ سوڭىنا دەيىن ءبىلىم بەرۋ ۇيىمدارىندا ەكولوگيالىق اعارتۋدىڭ ءبىرىڭعاي ستاندارتىن قابىلداۋ جوسپارلانىپ وتىر. ونى ەنگىزۋدىڭ ءىس جۇزىندەگى تەتىگى «جاسىل مەكتەپ» ۇلتتىق مودەلى بولماق. قازىر مودەل 85 مەكتەپتە سىنالۋدا، بولاشاقتا ونى 1 مىڭ مەكتەپكە دەيىن كەڭىنەن تاراتى جوسپارلانعان.
ۇكىمەت جەتەكشىسى وقۋ ورىندارىندا ەكولوگيالىق اعارتۋ بويىنشا جۇيەلى شارالار جۇرگىزۋدىڭ ماڭىزدىلىعىن اتاپ ءوتتى. وقۋ-اعارتۋ، عىلىم جانە جوعارى ءبىلىم مينيسترلىكتەرىنە بۇل جۇمىستى وقۋشىلار مەن ستۋدەنتتەر اراسىندا كۇشەيتۋ تاپسىرىلدى.
بۇعان دەيىن پرەزيدەنت وقۋشىلاردى ىستىق تاماقپەن قامتۋ تۋرالى «گۇلدەنگەن سوتسياليزم» تۇسىندا دا مۇنداي قامقورلىق بولماعان دەگەن ەدى.