«قۇرمەتتى دەپۋتاتتار، بارشاڭىزدى جاڭا پارلامەنتتىك ماۋسىمنىڭ اشىلۋىمەن شىن جۇرەگىممەن قۇتتىقتايمىن! جۇمىستارىڭىزعا تابىس تىلەيمىن! ەلىمىزدىڭ الەۋمەتتىك-ەكونوميكالىق دامۋىندا جىلدار بويعى وڭتايلى ۇدەرىستەردىڭ قالىپتاسۋى پارلامەنتىمىزدىڭ جۇمىسىمەن تىكەلەي بايلانىستى ەكەندىگىن ەرەكشە اتاپ وتكىم كەلەدى. پارلامەنت الداعى ۋاقىتتا دا وسى قارقىننان تايماي، حالىق وكىلى رەتىندە ءوز مىندەتىن ابىرويمەن اتقاراتىنىنا سەنىمدىمىن»، - دەدى ەلباسى.
مەملەكەت باسشىسىنىڭ اتاپ وتۋىنشە، قازىرگى تاڭدا ەلىمىز دامۋدىڭ ەڭ شەشۋشى ساتىسى - «قازاقستان-2050» ستراتەگياسىن جۇزەگە اسىرۋدا.
«بۇل قۇجاتتى زاڭنامالىق تۇرعىدا قامتاماسىز ەتۋ سىزدەردىڭ ايرىقشا مىندەتتەرىڭىز بولىپ تابىلادى»، - دەدى ن. نازاربايەۆ.
اۆتور: مارلان جيەمباي