ونىڭ ايتۋىنشا، 2030-جىلعا قاراي ەلوردادا حالىق سانى 2 ميلليون ادامعا دەيىن وسسە، 2050-جىلعا قاراي 3 ميلليوننان اسادى دەپ كۇتىلۋدە. وسىعان بايلانىستى، استانانى جاھاندىق قالا رەتىندە دامىتۋ بىرنەشە نەگىزگى باعىتتار بويىنشا جۇزەگە اسادى دەپ جوسپارلانىپ وتىر.
«ءبىرىنشىسى - ادامي دامۋ. قالانىڭ باستى كاپيتالى - تۇرعىندار. تالانتتاردى تارتۋ ءۇشىن قالالىق ورتانى بارىنشا تارتىمدى جانە جايلى ەتۋ كەرەك. ەڭ الدىمەن، بۇل - قولجەتىمدى، ساپالى تۇرعىن ءۇي، قاۋىپسىز قوعامدىق كولىك، دەنساۋلىق ساقتاۋ مەن ءبىلىم بەرۋدىڭ جوعارى ساپاسى، قوعامدىق قاۋىپسىزدىك. ەكىنشىسى - قالانىڭ كرەاتيۆتى ەكونوميكاسى. مەملەكەت باسشىسى اتاپ وتكەندەي، استانانىڭ تارتىمدى تۋريستىك دەستيناتسياسىن وزگەرتە وتىرىپ، اقىلدى جانە مەيىرىمدى قالاعا اينالۋىنا ەرەكشە كوڭىل بولىنەدى. بۇل - قوناقجايلىق اتموسفەراسىن قالىپتاستىرىپ، تۇرعىندار مەن تۋريستەر ءۇشىن قالالىق سەرۆيستى جاقسارتۋ. استانا جاھاندىق ساۋدا اعىندارىنىڭ حابىنا، ەڭ ءىرى تۇتىنۋ نارىعىنا جانە ەلدىڭ نەگىزگى كولىك-لوگيستيكالىق تورابىنا اينالۋى ءتيىس. تيىسىنشە، بۇل قالا قازىناسىنا قوسىمشا سالىق اكەلەدى»، - دەدى ول.
باقىت سۇلتانوۆ ءۇشىنشى قالالىق جوسپارلاۋ ماسەلەسىنە توقتالدى.
«بۇل ستراتەگيالىق قالالىق جوسپارلاۋدىڭ جاڭا فورماتىنا كوشۋدى بىلدىرەدى. ول ءۇشىن ءبىز 2035-جىلعا دەيىن استانانى دامىتۋ جوسپارىن ازىرلەيمىز»، - دەپ اتاپ ءوتتى ب. سۇلتانوۆ.