2027 -جىلى سۋ ەسەپتەۋ جۇيەسىن تولىق سيفرلاندىرۋدى جوسپارلاپ وتىرمىز - مينيستر
استانا. KAZINFORM - ەلىمىزدە سۋ ءتاريفىن ەسەپتەۋ جۇيەسىن تولىق سيفرلاندىرۋ جوسپارلانىپ وتىر. بۇل تۋرالى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ءمالىم ەتتى.
- 2027 -جىلعا دەيىن سۋ ەسەپتەۋ جۇيەسىن تولىق سيفرلاندىرۋ، سونداي-اق اۆتوماتتاندىرىلعان گيدروجاپقىشتاردى ەنگىزۋدى جوسپارلاپ وتىرمىز. ايتا كەتۋ كەرەك، سيفرلاندىرۋ جوبالارىن ازىرلەۋ بارىسىندا باسىم باعىت وتاندىق وندىرۋشىلەردىڭ زاماناۋي تەحنولوگيالىق شەشىمدەرى مەن جابدىقتارىنا بەرىلەدى. اتالعان ءىس- شارالار اياقتالعان سوڭ، سۋ رەسۋرستارىنا قاتىستى بارلىق مالىمەت اقپاراتتىق جۇيەگە تولىق ەنگىزىلەدى. بۇل سۋ الۋ مەن ءبولۋ ۇدەرىسىن ءتيىمدى جوسپارلاۋدى، سونداي-اق ونىڭ اشىقتىعى مەن ناقتىلىعىن قامتاماسىز ەتەدى، - دەدى نۇرجان نۇرجىگىتوۆ ۇكىمەت وتىرىسىندا.
سونداي-اق مينيستر بۇگىندە اقپاراتتىق- تالداۋ ورتالىعى جۇمىس ىستەپ تۇرعانىن تىلگە تيەك ەتتى.
- جۇيەنىڭ ءتيىمدى جانە ۇيلەسىمدى جۇمىس ىستەۋىن قامتاماسىز ەتۋ ماقساتىندا 2024 -جىلى سۋ رەسۋرستارى اقپاراتتىق-تالداۋ ورتالىعى قۇرىلدى. ورتالىقتىڭ نەگىزگى مىندەتى - سۋ قورىنا قاتىستى دەرەكتەردى جيناۋ، جۇيەلەۋ جانە تالداۋ، اقپاراتتىق جۇيەنى سۇيەمەلدەۋ جانە دامىتۋ، - دەپ تولىقتىردى ۆەدومستۆو باسشىسى.
بۇعان دەيىن نۇرجان نۇرجىگىتوۆ ۇلتتىق سۋ رەسۋرستارى اقپاراتتىق جۇيەسى ازىرلەنىپ جاتقانىن حابارلاعان ەدى.