«ءبىزدىڭ ەكونوميكالىق مودەل ىشكى تۇتىنۋ ينۆەستيتسياسىنان بولەك ەكسپورتتى دامۋدىڭ ماڭىزدى فاكتورى رەتىندە قاراستىرادى. ءبىز وڭدەۋ ونەركاسىبىنىڭ قوسىمشا ەكسپورتتىق الەۋەتىن 10 ميلليارد دوللارعا، قىزمەت كورسەتۋ سالاسىنىڭ ەكسپورتتىق الەۋەتىن تاعى 10 ميلليارد دوللارعا باعالايمىز. ورتا مەرزىمدى ماقسات 2025-جىلعا قاراي شيكىزاتتىق ەمەس ەكسپورت كولەمىن، ونىڭ ىشىندە قىزمەتتەر قوسا وتىرىپ، 41 ميلليارد دوللارعا دەيىن ۇلعايتۋ بولىپ تابىلادى»، - دەدى پرەزيدەنت.
سونداي-اق، مەملەكەت باسشىسى ينۆەستورلارمەن جۇمىستى جانداندىرۋدا ساۋدا جانە ينتەگراتسيا مينيسترلىگىنىڭ جۇمىسى ماڭىزدى ەكەنىن اتادى.
«وسى الەۋەتتەردى پايدالانۋ ءۇشىن ناقتى شارالار قابىلدانىپ وتىر. بىرىنشىدەن، قاجەتتى ينستۋتيتسيونالدىق نەگىز قۇرىلدى. 2019-جىلى ارنايى وكىلەتتى ورگان - ساۋدا جانە ينتەگراتسيا مينيسترىلىگى قۇرىلدى. ونى وزدەرىڭىز بىلەسىزدەر. قازىر بۇل ۆەدومستۆو وتاندىق ەكسپورتتاۋشىلارعا قولداۋدىڭ تولىق پاكەتىن ۇسىنىپ وتىر. بۇل - قارجىلىق جانە قارجىلىق ەمەس قولداۋدىڭ 20 قۇرالى»، - دەدى قاسىم-جومارت توقايەۆ.