«بىرنەشە كۇننەن كەيىن بارشامىز جاڭا 2019 -جىلدى قارسى الامىز. جاڭا جىل ءارقاشان دا جاڭا جوسپارلارعا، بيىك ماقساتتارعا جول اشاتىن، سونداي- اق اتقارىلعان ىستەردى قورىتىندىلايتىن ەرەكشە كەزەڭ. وسى جولدا ءبىز سەسسيا باستالعان ءتورت ايدىڭ ىشىندە ەلباسىنىڭ تاپسىرماسىنا سايكەس، ەلىمىزگە، حالقىمىزعا قاجەتتى ءبىرقاتار زاڭ جوبالارىن ماقۇلدادىق. سونىڭ ىشىندە قاسيەتتى تۇركىستان وبلىسى جانە شىمكەنت قالاسىنىڭ الداعى دامۋ جوسپارى كونستيتۋتسيالىق زاڭمەن بەكىتىلدى. ەكونوميكالىق الەۋمەتتىك سالالارعا سەرپىن بەرەتىن ەلىمىزدىڭ نەگىزگى قارجى قۇجاتى - ءۇش جىلدىق بيۋدجەت ماقۇلداندى. سونىمەن بىرگە، ماجىلىستە دەنساۋلىق ساقتاۋ، كاسىپكەرلىكتى قولداۋ، جۇمىسپەن قامتۋعا ارنالعان ماسەلەلەر بويىنشا كوپتەگەن ماڭىزدى شارالار اتقارىلدى» ، - دەدى ن. نىعماتۋلين ءماجىلىستىڭ جالپى وتىرىسىندا.
وسى ورايدا ول كەزەكتى سەسسيا اياقتالماعانىن، بۇگىندە ءماجىلىس قاراۋىندا تاعى دا 40 تان استام زاڭ جوباسى بار ەكەنىن ەسكە سالدى.
«وسى قۇجاتتاردىڭ بارلىعىن سەسسيانىڭ سوڭىنا دەيىن تالقىلاپ، جوعارى دەڭگەيدە قابىلداۋىمىز كەرەك. سەبەبى پرەزيدەنتتىڭ تاپسىرمالارىن ءارقاشان ساپالى زاڭدارمەن قامتاماسىز ەتۋ - ءبىزدىڭ باستى ماقساتىمىز. سوندىقتان بارلىق فراكسيالار، بارشا دەپۋتاتتار بىرلەسىپ، ءتيىمدى ءارى بەلسەندى، ناتيجەلى قىزمەت اتقارۋىمىز قاجەت» ، - دەدى ءماجىلىس ءتوراعاسى.
بۇدان بۇرىن حابارلانعانداي، 2018 -جىلداعى ءماجىلىستىڭ سوڭعى جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس- ورتانى دامىتۋ جانە ساۋدا قىزمەتىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى.
سونىمەن قاتار، ءماجىلىس ارمەنيانىڭ پرەمەر- مينيسترىنە قاتىستى قۇجاتتى تالقىلادى.