استانا قالاسىنىڭ اكىمىنىڭ «استانا ەكسپو-2017» ۇ ك» ا ق باسقارماسىنىڭ ءتوراعاسى وكىلەتتىلىگىن جۇزەگە اسىرۋىنا قاتىستى ۇلتتىق كومپانيادا بىلايشا تۇسىنىك بەردى:
اكىم -جەرگىلىكتى اتقارۋشى ورگاندى باسقاراتىن جانە ءتيىستى اۋماقتا مەملەكەتتىك ساياساتتىڭ جۇرگىزىلۋىنە جاۋاپتى قازاقستان رەسپۋبليكاسىنىڭ پرەزيدەنتى مەن ۇكىمەتىنىڭ وكىلى («جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» ق ر زاڭىنىڭ 1- بابى). اكىم ساياسي مەملەكەتتىك قىزمەتشى بولىپ تابىلادى.
مەملەكەتتىك قىزمەتشىنىڭ كاسىپكەرلىك قىزمەتپەن اينالىسۋعا، سونىڭ ىشىندە، ەگەر كوممەرتسيالىق ۇيىمدى باسقارۋعا تىكەلەي قاتىسۋ قازاقستان رەسپۋبليكاسىنىڭ زاڭدارىنا سايكەس ونىڭ قىزمەتتىك مىندەتىنە كىرمەيتىن بولسا، ەگەر «سىبايلاس جەمقورلىققا قارسى كۇرەس تۋرالى» قازاقستان رەسپۋبليكاسىنىڭ زاڭىندا وزگەشە بەلگىلەنبەسە، ۇيىمدىق-قۇقىقتىق نىسانىنا قاراماستان، كوممەرتسيالىق ۇيىمدى باسقارۋعا قاتىسۋعا قۇقىعى جوق («مەملەكەتتىك قىزمەت تۋرالى» ق ر زاڭىنىڭ 10- بابى).
ەستەرىڭىزگە سالا كەتەيىك، ەلباسىنىڭ وكىمىمەن استانا قالاسىنىڭ اكىمى «استانا ەكسپو-2017» ۇ ك» ا ق باسقارماسىنىڭ ءتوراعاسى قىزمەتىنە تاعايىندالعان ەدى، وسىلايشا، كوممەرتسيالىق ۇيىمدى - ۇلتتىق كومپانيانى باسقارۋ ونىڭ قىزمەتتىك مىندەتىنە كىرەدى.
سونداي-اق مەملەكەتتىك فۋنكتسيالاردى ورىنداۋعا ۋاكىلەتتى لاۋازىمدى جانە وزگە دە ادامدارعا جانە ولارعا تەڭەستىرىلگەن ادامدارعا پەداگوگتىك، عىلىمي جانە وزگە دە شىعارماشىلىق قىزمەتتەن باسقا، اقى تولەنەتىن وزگە قىزمەتپەن اينالىسۋعا تىيىم سالىنادى («سىبايلاس جەمقورلىقپەن كۇرەس تۋرالى» ق ر زاڭىنىڭ 10- بابى 1- تارماعى. وسىلايشا، استانا قالاسى اكىمىنىڭ «استانا ەكسپو-2017» ۇ ك» ا ق باسقارماسىنىڭ ءتوراعاسى وكىلەتتىلىگىن قوسا اتقارۋى تەگىن، ول ءۇشىن جالاقى جانە باسقا دا تولەمدەر مەن سىياقىلار تولەنبەي جۇزەگە اسىرىلادى.