بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ن. سماعۇلوۆ مەملەكەت باسشىسىنا «ەكسپو-2017» جوباسىنىڭ اياسىنداعى مادەني-ساۋىق ورتالىعى قۇرىلىسىنىڭ باستالعاندىعى تۋرالى باياندادى.
قازاقستان پرەزيدەنتى حالىقارالىق كورمە قۇرىلىسىنا جوسپارلانعان عيماراتتىڭ بىرەگەيلىگىن اتاي وتىرىپ، ولاردى كورمەدەن كەيىنگى كەزەڭدە ءتيىمدى پايدالانۋدى قامتاماسىز ەتۋدىڭ ماڭىزدىلىعىن ايتتى.
«استانا گرۋپپ» ج ش س باسشىسى سالىنىپ جاتقان نىسان استانا قالاسىنىڭ كورىكتى، قالا تۇرعىندارى مەن قوناقتارى ءۇشىن تارتىمدى ورىندارىنىڭ بىرىنە اينالاتىندىعىن مالىمدەدى.
جالپى الاڭى 140 مىڭ شارشى مەتردى قۇرايتىن بۇل ورتالىقتا قازاقستانداعى ەڭ ءىرى بالالار اتتراكسيوندارىنىڭ ساياباعى، 14 زالدى مۋلتيپلەكس-كينوتەاتر، تاقىرىپتىق سيپاتتاعى مەيرامحانالىق گالەرەيالار، كوپفۋنكتسيونالدى مۇزايدىن بولادى. ونىڭ قۇرىلىسىن 2016 - جىلدىڭ قىركۇيەگىنە دەيىن اياقتاۋ جوسپارلانعان.