بۇل تۋرالى بۇگىن ق ر مادەنيەت جانە سپورت مينيسترلىگىنىڭ القا ماجىلىسىندە ۆەدومستۆو باسشىسى ارىستانبەك مۇحامەدي ۇلى ءمالىم ەتتى.
«مينيسترلىك ەكسپو-2017 حالىقارالىق كورمەسىن وتكىزۋ بارىسىندا ۇيىمداستىرىلاتىن مادەني-ساۋىقتىق شارالاردىڭ كەشەندى باعدارلاماسىن جاسادى. ونىڭ قۇرامىنا 6 مىڭ شارا ەنگىزىلگەن»، - دەپ اتاپ ءوتتى مينيستر.
ايتا كەتەيىك، ەكسپو-2017 شاراسى كەلەسى جىلى استانادا وتەدى. وعان شامامەن 3-5 ميلليون تۋريست كەلەدى دەپ كۇتىلۋدە. بۇگىنگى كۇنى قاراعاندى، الماتى، قىزىلوردا جانە وزگە دە وبلىستار ەكسپو-2017 كورمەسىنە كەلەتىن مەيماندارعا وزدەرىنىڭ تۋريستىك باعدارلامالارىن جاساقتاۋدا.
سونىڭ ىشىندە بايقوڭىر ايلاعى تۋريستەر ءۇشىن ەسىگىن اشاتىن بولادى. ال الماتى قالاسى شىمبۇلاق شاڭعى كەشەنىن حالىقارالىق ستاندارتتارعا ساي ينفراقۇرىلىمدىق ازىرلەۋدەن وتكىزبەك.
اۆتور: جاسۇلان جولدىبايەۆ