استانا. KAZINFORM - اسكەري بورىشىن وتەۋ بارىسىندا ەرەكشە كوزگە تۇسكەن 1029 ازامات ءبىلىم گرانتىمەن جوعارى وقۋ ورنىندا ءبىلىم الۋعا مۇمكىن العان. بۇل تۋرالى و ك ق- دا وتكەن باسپا ءسوز ءماسليحاتىندا ق ر قارۋلى كۇشتەرى باس شتابى باستىعىنىڭ ورىنباسارى ساكەن ءجۇسىپوۆ ايتتى.
اسكەري قىزمەتتىڭ تارتىمدىلىعىن ارتتىرۋ بويىنشا جۇمىستار جالعاسۋدا. بۇل، ەڭ الدىمەن، ءبىلىم بەرۋ سەكتورىنداعى جەڭىلدىكتەر مەن نەسيەلىك دەمالىستارعا قاتىستى ءمان-جاي ءتۇسىندىرىلدى.
- سونىمەن قاتار 17 مىڭ اسكەري قىزمەتشىگە 6,6 ميلليارد تەڭگەگە «كرەديتتىك دەمالىس» بەرىلدى، - دەدى سپيكەر.
سونىمەن قاتار گەنەرال-مايور قىزمەت كەزىندە مەرزىمدى سارباز ەڭبەك نارىعىندا سۇرانىسقا يە جۇمىسشى ماماندىعىن يگەرۋگە مۇمكىندىك الاتىنىن ايتتى. وقىتۋ ءتيىستى سەرتيفيكاتتار بەرۋمەن وتەدى.
ەسكە سالا كەتەيىك، بيىل اسكەر قاتارىن 20 مىڭنان استام ازامات تولىقتىراتىنىن جازعان بولاتىنبىز.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.