ءبىلىم جانە عىلىمي مينيسترلىگىنەن حابارلانعانداي، وسى جىلدان باستاپ ۇ ب ت جىلىنا ءتورت رەت: قاڭتاردىڭ 15-20، ناۋرىزدىڭ 24-29، ماۋسىمنىڭ 20 مەن شىلدەنىڭ 5 ءى، تامىزدىڭ 17-20 ارالىعىندا وتكىزىلەتىن بولادى. تەستىلەۋ اقىلى نەگىزدە بولادى. ياعني، نيەت ءبىلدىرۋشى 2242 تەڭگە تولەپ، باعىن سىناي الادى.
قاڭتار، ناۋرىز جانە تامىز ايلارىندا وتكىزىلەتىن ۇ ب ت ۇمىتكەرگە جوعارى وقۋ ورىندارىنىڭ تەك اقىلى بولىمدەرىنە ءتۇسۋ قۇقىعىن بەرەتىنىن اتاپ ءوتۋ كەرەك. وسى ءۇش تەستىلەۋدىڭ ناتيجەسى بويىنشا باسقا ۇلگىدەگى سەرتيفيكات بەرىلەدى. ول سەرتيفيكاتتار گرانتقا ۇمىتتەنۋگە جارامسىز.
قاڭتاردا ايماقتا تەست 8 نۇكتەدە وتكىزىلەدى. وسى جولعى تەستتى ج و و- نا اقىلى تۇردە وقۋعا ءتۇسۋ ءۇشىن مەكتەپ تۇلەكتەرى، ءبىرىنشى سەمەستردىڭ سوڭىنا دەيىن اقىلى تۇردە ج و و كۇندىزگى بولىمىنە تىركەلگەندەر، شىعارماشىلىق ەمتيحاندار قاجەت بولعان فاكۋلتەتتەرىڭ باسقا ماماندىققا اۋىسقىسى كەلەتىن ستۋدەنتتەرى جۇزەگە اسىرا الادى. تەستىدەن وتۋگە قاجەتتى قۇجاتتار پاكەتىندە: فورما بويىنشا ءوتىنىش (ۇ ب ت وتكىزۋ پۋنكتىندە بەرىلەدى)، 3x4 سانتيمەتر كولەمىندەگى فوتوسۋرەت، جەكە تۇلعانى كۋالاندىراتىن قۇجاتتىڭ كوشىرمەسى، تالاپكەر وقيتىن ورتا ءبىلىم بەرۋ مەكەمىسىنەن انىقتامانىڭ ەكى داناسى جانە تەستىگە قاتىسۋعا تولەنگەن وتەماقىنىڭ تۇبىرتەگى بولۋى كەرەك.
ەسكە سالا كەتسەك، ق ر ءبىلىم جانە عىلىم ۆيتسە-ءمينيسترى اسحات ايماعامبەتوۆ 2019-جىلى وتكىزىلەتىن ۇلتتىق ءبىرىڭعاي تەستىلەۋدىڭ نازار اۋدارارلىق بەس پۋنكتىن اتاعان بولاتىن.
سونداي-اق، ۇ ب ت- عا وتىنىمدەردى قابىلداۋ باستالىپ جاتقانى تۋرالى حابارلاندى.