اسىراۋشىسىنان ايىرىلعانداردىڭ جاردەماقىسى قىركۇيەك ەمەس، شىلدەدەن باستاپ 14,5 پايىز وسەدى
بۇل تۋرالى اشىق ن ق ا پورتالىندا جاريالانعان ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.
«2023-جىلعى 1- شىلدەگە دەيىن مەملەكەتتىك الەۋمەتتىك ساقتاندىرۋ قورىنان ەڭبەك ەتۋ قابىلەتىنەن ايىرىلۋ جانە اسىراۋشىسىنان ايىرىلۋ جاعدايلارىنا تاعايىندالعان الەۋمەتتىك تولەمدەردىڭ مولشەرىن 2023-جىلعى 1- شىلدەدەن باستاپ 14,5 پايىزعا ارتتىرۋ جۇرگىزىلسىن. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ، ءبىراق 2023-جىلعى 1- شىلدەدەن ەرتە ەمەس قولدانىسقا ەنگىزىلەدى»، - دەلىنگەن ۇكىمەت قاۋلىسىندا.
ايتا كەتەيىك، كەشە VIII سايلانعان ق ر پارلامەنتىنىڭ ءبىرىنشى سەسسياسىندا ءسوز سويلەگەن مەملەكەت باسشىسى قاسىم-جومارت توقايەۆ ۇكىمەتكە 1- قىركۇيەكتەن باستاپ اسىراۋشىسىنان ايىرىلعان ازاماتتاردىڭ جاردەماقىسىن ,5 عا كوتەرۋدى تاپسىرعان بولاتىن.
«اسىراۋشىسىنان ايىرىلعان ازاماتتار نازاردان تىس قالماۋى كەرەك. وسى ورايدا، ۇكىمەتكە اتالعان ساناتتاعى ادامداردىڭ جاردەماقىسىن ورتا ەسەپپەن 14,5 پايىزعا كوبەيتۋدى تاپسىرامىن. مۇنى بيىلعى 1- قىركۇيەكتەن باستاپ قولعا الۋ قاجەت. قازاقستان ءبىزدىڭ ايماقتاعى وسىنداي الەۋمەتتىك جاردەم بەرەتىن جالعىز مەملەكەت دەۋگە تولىق نەگىز بار»، - دەپ مىندەت قويدى قاسىم-جومارت توقايەۆ.
اراعا ءبىر كۇن سالىپ، پرەزيدەنت تاپسىرماسىن ورىنداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى قاۋلى ازىرلەدى.
قۇجات 13- ساۋىرگە دەيىن كوپشىلىك تالقىلاۋدا بولادى.