زەرتتەۋشىلەر ميدى 10 جىلعا جاسارتۋدىڭ ءتاسىلىن اتادى

ينتەرنەتسىز ەكى اپتا ءجۇرۋ نازارىڭىزدى، پسيحوەموتسيالىق جاعدايىڭىزدى جانە ءال- اۋقاتىڭىزدى ايتارلىقتاي جاقسارتادى. وسىدان كەيىن ادام ءوزىن 10 جىلعا جاس سەزىنەدى.

 بۇل تۋرالىStan.kz اقپارات اگەنتتىگى Science Blog باسىلىمىنا سىلتەمە جاساپ حابارلايدى.
زەرتتەۋگە ا ق ش پەن كانادادان ءبىر اي بويى 467 ادام قاتىستى. ولار ونلاين رەسۋرستارعا كىرمەي، تەك قوڭىراۋلار مەن ماتىندىك حابارلامالارعا عانا جاۋاپ بەردى.

زەرتتەۋشىلەردىڭ مالىمەتىنشە، سيفرلىق ديەتانى ۇستانۋ قيىنعا سوقتى. تاجىريبەگە كەلىسكەن باستاپقى 467 قاتىسۋشىنىڭ 119 ى عانا 14 كۇننىڭ ونىنا شىدادى.

ەكى اپتانىڭ 10 كۇنىندە "سيفرلىق ديەتانى" ۇستانعاندار تەلەفوندى 5 تەن 2,5 ساعاتقا دەيىن عانا قولداندى. ال ولاردىڭ %91 ى پسيحيكالىق ساۋلىعىنىڭ ايتارلىقتاي جاقسارعانىن حابارلادى.

تاجىريبەدەن كەيىن قاتىسۋشىلار ءوزارا سويلەسىپ، سپورتپەن اينالىسۋ، سەرۋەندەۋ، كىتاپ وقۋ داعدىلارىن قالىپتاستىرعان.

عالىمداردىڭ پايىمداۋىنشا، ادامنىڭ ينتەرنەتتى كوپ تۇتىنۋى مي رەسۋرستارىن سارقىپ، وي مەن مىنەز- قۇلىقتى باسقارۋعا كەدەرگى كەلتىرەدى.

زەرتتەۋشىلەردىڭ سوزىنشە، موبيلدى ينتەرنەتكە كىرۋدى تولىعىمەن شەكتەۋ كەي ادامدار ءۇشىن تىم اۋىر بولۋى مۇمكىن.