زەلەنسكي ترامپپەن ارادا «جاقسى اڭگىمە» بولعانىن حابارلادى
استانا. KAZINFORM - ۋكراينا پرەزيدەنتى ۆلاديمير زەلەنسكي ا ق ش پرەزيدەنتى دونالد ترامپقا ۋكراينانى قولداعانى ءۇشىن العىس ءبىلدىردى.
- مەن ا ق ش پرەزيدەنتى دونالد ترامپپەن سويلەستىم. وتە جاقسى اڭگىمە بولدى. ۋكراينانى قولداۋعا جانە ادام ءولتىرۋدى توقتاتىپ، ۇزاق جانە ءادىل بەيبىتشىلىك جولىندا بىرلەسىپ جۇمىس ىستەۋدى جالعاستىرۋعا دايىن بولعانىڭىز ءۇشىن راحمەت، - دەپ جازدى ۆلاديمير زەلەنسكي Facebook پاراقشاسىندا.
زەلەنسكي ترامپتىڭ ناتو باس حاتشىسىمەن كەزدەسۋى تۋرالى جاريالاعانىن حابارلادى.
- ءبىز بەيبىتشىلىككە قول جەتكىزۋ ءۇشىن بارىنشا ءونىمدى جۇمىس ىستەۋگە دايىنبىز. ءبىز تەلەفون ارقىلى ءجيى حابارلاسىپ، الداعى ۋاقىتتا قادامدارىمىزدى ۇيلەستىرۋگە كەلىستىك. راحمەت، پرەزيدەنت مىرزا! راحمەت، امەريكا! - دەدى ۆلاديمير زەلەنسكي.
بۇعان دەيىن ترامپ ۋكرايناعا امەريكالىق قارۋ جەتكىزىلەتىنىن مالىمدەگەن ەدى.
