زاڭسىز كوشى- قونمەن كۇرەس

ميگرانتتار ءنوپىرى جەكەلەگەن ەلدەر مەن تۇتاس ايماقتارعا قاۋىپ ءتوندىرىپ تۇر. گەرمانيادا سيريالىق بوسقىنداردى زاڭسىز تاسىمالداعان توپ قولعا ءتۇستى.

ا ق ش بيلىگى شەكارا بەكەتتەرىن ۋاقىتشا جابۋعا ءماجبۇر. كوستا- ريكادا توتەنشە جاعداي جاريالانعان. ال گرەكيا كەرىسىنشە ميگرانتتاردى كوپتەپ قابىلداۋ ماسەلەسىن تالقىلاپ جاتىر. گرەكياعا جۇمىس كۇشى كەرەك. ولار بۇل ماسەلەنى ميگرانتتار ەسەبىنەن رەتتەگىسى كەلەدى.

گەرمانيا بيلىگى زاڭسىز كوشى- قونمەن اينالىسقان 5 ادامدى قاماۋعا الدى. وپەراتسياعا 350 پوليتسيا قاتىسقان. ولار جۇزدەن استام سيريالىق بوسقىندى بىرنەشە ۇيدە جاسىرىن ۇستاعان. كۇدىكتىلەر نەمىس ەلىندە تۇراتىن سيريا ازاماتتارى بولىپ شىقتى. ميگرانتتاردىڭ ءارقايسىسى قىلمىستىق توپقا زاڭسىز قىزمەتى ءۇشىن 3 مىڭ ەۋرودان 7 مىڭ ەۋروعا دەيىن اقى تولەگەن. اقشاسى جوقتار التىن بەرگەن.

نەنسي فەزەر، گەرمانيا ىشكى ىستەر ءمينيسترى:

- شىلدە ايىنا دەيىن گەرمانيا اۋماعىنا 56 مىڭ ميگرانت زاڭسىز كىرگەن. بۇل فاكتىنى شەكارا پوليتسياسى انىقتادى. بۇگىندە وسى قىلمىستىق ىسپەن 1400 كۇدىكتىنىڭ اينالىساتىنى بەلگىلى بولىپ وتىر. گەرمانيا زاڭسىز كوشى- قونعا قارسى قاتاڭ زاڭ قابىلداۋى كەرەك. مەكسيكا شەكاراسىندا 8 مىڭ جۇك كولىگى تۇر زاڭسىز ميگرانتتار ەكونوميكا ءۇشىن دە ۇلكەن كەدەرگى تۋدىرىپ وتىر.

ا ق ش بيلىگى مەكسيكامەن شەكاراداعى بەكەتتەردى ۋاقىتشا جاۋىپ تاستادى. وسىنىڭ كەسىرىنەن تەحاس شتاتىنىڭ اۋماعىنا كىرەر جەردە 8 مىڭعا جۋىق جۇك كولىگى قاڭتارىلىپ تۇر. ولارعا جالپى قۇنى 1 ميلليارد دوللاردان اساتىن تاۋار تيەلگەن. ءىرى كومپانيالار مەن كاسىپكەرلەر مول شىعىنعا باتىپ جاتىر. دجو بايدەن اكىمشىلىگى كوشى- قون داعدارىسىن ءالى رەتتەي الماي الەك. شەكارا بەكەتتەرىنىڭ جانىنان قۇرىلعان ميگرانت قابىلداۋ ورىندارىنىڭ جۇمىسى باياۋ.

دجەسۋس سالايانديا، مەكسيكا ونەركاسىپ قاۋىمداستىعىنىڭ وكىلى:

- ءبىزدىڭ جۇك كولىكتەرىمىز 3 كۇننەن بەرى قوزعالا الماي تۇر. تەحاس شتاتىنىڭ اۋماعىنا كىرەبەرىستە دامىلسىز تەكسەرىس ءجۇرىپ جاتىر. ابدەن ىعىر قىلدى. كوستا- ريكا توتەنشە جاعداي جاريالادى كوستا- ريكا بيلىگى ميگرانتتار نوپىرىنە بايلانىستى توتەنشە جاعداي جاريالادى. بوسقىندار بۇل ەلگە پاناما ارقىلى قاپتاپ كەلىپ جاتىر. تۇپكى ويلارى – ا ق ش اۋماعىنا ءوتۋ. كىرمەلەردىڭ كوبى - ۆەنەسۋەلا، ەكۆادور، كولۋمبيا، گايتي، يەمەن جانە بانگلادەش ازاماتتارى. وسى ايدىڭ وزىندە شەكارا بويىنداعى پاسو قالاسىنا 60 مىڭنان استام ميگرانت كەلگەن. بۇل جەرگىلىكتى حالىق سانىنان 3 ەسە كوپ.

ارنولدو اندرە، كوستا- ريكا سىرتقى ىستەر ءمينيسترى:

- كوستا- ريكا حالىقارالىق قاۋىمداستىقتان قارجىلاي قولداۋ سۇرايدى. ەل اۋماعىنا تولاسسىز كەلىپ جاتقان ميگرانتتاردى ءبىزدىڭ الەۋمەتتىك ورتاعا بەيىمدەۋ ءۇشىن كوپ اقشا كەرەك. بۇل كەزەك كۇتتىرمەيتىن شۇعىل ماسەلە.

گرەكياعا ميگرانتتار قاجەت گرەكيا بيلىگى كەرىسىنشە ەلگە كوپتەپ ميگرانت تارتۋدى كوزدەپ وتىر. ويتكەنى مۇندا اۋىل شارۋاشىلىعى، تۋريزم جانە قۇرىلىس سالالارىنا جۇمىس كۇشى جەتىسپەيدى. ۇكىمەت وسى ماسەلەنى شەشۋ جوسپارىن جاقىندا پارلامەنت نازارىنا ۇسىنباق.

www.24.kz