ۇزاق جاساۋعا سەپ بولاتىن ادەتتەر اتالدى

استانا. قازاقپارات - دارىگەر گەري سمولل ۇزاق ءومىر سۇرۋگە كومەكتەسەتىن كۇندەلىكتى ادەتتەردى اتادى

ماماننىڭ سوزىنشە ، ۇزاق ءومىر ءسۇرۋدىڭ قۇپيالارىنىڭ ءبىرى - ومىرگە دەگەن جەڭىل كوزقاراس.

«مۇنداي جانداردىڭ پسيحيكالىق جانە فيزيكالىق جاي-كۇيى باسقالارعا قاراعاندا الدەقايدا جاقسى بولادى. وعان قوسا ۇنەمى جايدارى جۇرسەڭىز، يممۋن جۇيەسى دە كۇشەيەدى، ياعني اعزا ءارتۇرلى ينفەكتسيامەن ءتيىمدى كۇرەسە الادى»، - دەگەن ماماننىڭ ءسوزىن كەلتىردى.

سونىمەن قاتار، فيزيكالىق بەلسەندىلىكپەن اينالىسۋ كەرەك، ويتكەنى ول قان اينالىمىن جاقسارتادى، ەندورفين دەڭگەيىن جوعارىلاتادى جانە جۇرەك- تامىر جۇيەسىن نىعايتادى.

مامان راتسيوندى قايتا قاراۋعا شاقىردى: جەمىستەر مەن كوكونىستەردى قوسىپ، قانت پەن ۋلترا وڭدەلگەن تاعامداردى الىپ تاستاعان ءجون.

ءسوز اياعىندا ساراپشى ۇنەمى مەديتسينالىق تەكسەرىستەن وتۋگە جانە كۇيزەلىستەن اۋلاق بولۋعا كەڭەس بەردى.

ەسكە سالايىق، بۇعان دەيىن 102 جاستاعى قىزىلوردالىق سوعىس ارداگەرى ۇزاق جاساۋدىڭ سىرىن ايتتى. عاسىر كۋاگەرىنىڭ ايتۋىنشا، كوپ جاساۋىنىڭ سىرى - جۇرەك تازالىعى مەن كۇندەلىكتى قيمىل-قوزعالىس.