يزرايلدىكتەر ءۇشىن ا ق ش-پەن ۆيزاسىز رەجيم كۇشىنە ەندى

 يزرايلدىكتەر ەندى ا ق ش-قا قىسقا مەرزىمدى ساپارلار ءۇشىن ۆيزاسىز رەجيمگە قول جەتكىزە الادى. Kazinform بۇل تۋرالى USA Today-گە سىلتەمە جاساپ حابارلايدى. 

بەيسەنبىدە يزرايل رەسمي تۇردە ا ق ش-قا ۆيزاسىز كىرۋ باعدارلاماسىنىڭ قاتىسۋشىسى بولدى. ءبۇل ۆيزا يزرايل ازاماتتارىنا الدىمەن ۆيزا الۋدى قاجەت ەتپەستەن ا ق ش-قا ىسكەرلىك نەمەسە تۋريستىك ماقساتتا 90 كۇنگە دەيىن بارۋعا مۇمكىندىك بەرەدى.

ۆيزاسىز كىرۋ باعدارلاماسى شامالانعان ۋاقىتتان ءسال ەرتەرەك كۇشىنە ەندى. 27-قىركۇيەكتە ۆيزاسىز كىرۋ باعدارلاماسى جاريالانعان كەزدە ا ق ش بيلىگى بۇل باعدارلاما يزرايلدىكتەر ءۇشىن 30-قاراشادا قولجەتىمدى بولاتىنىن ايتتى.

«يزرايلدىڭ ۆيزاسىز باعدارلاماسىنا كىرگەنى - ەكى ەل حالقى اراسىنداعى بۇرىنعى قارىم- قاتىناستى، ەكونوميكالىق ىنتىماقتاستىقتى جانە قاۋىپسىزدىكتى ۇيلەستىرۋدى ودان ءارى نىعايتا تۇسەتىن ستراتەگيالىق سەرىكتەستىگىمىزدەگى ماڭىزدى قادام»، - دەپ مالىمدەدى ا ق ش مەملەكەتتىك حاتشىسى ەنتوني بلينكەن.

باعدارلاماعا قاتىسۋعا نيەت بىلدىرگەندەر ا ق ش كەدەن-شەكارا قىزمەتىنىڭ (ESTA) ەلەكتروندى جۇيەسى (ESTA) نەمەسە موبيلدى قوسىمشا ارقىلى ءوتىنىش بەرە الادى. ماقۇلداۋ 72 ساعاتقا دەيىن سوزىلۋى مۇمكىن.

باعدارلاماعا قاتىسۋ ءۇشىن يزرايل ازاماتتارى مەن قولاستىنداعى ازاماتتارىندا بيومەتريالىق دەرەكتەرى بار ءتولقۇجات بولۋى كەرەك. قوسىمشا قازىرگى كەزدە تەك اعىلشىن تىلىندە قولجەتىمدى، ءبىراق 1-قاراشادا قوسىمشا تىلدەردى دە قوسۋ جوسپارلانىپ وتىر.

يزرايلدىكتەر ءۇشىن ۆيزاسىز رەجيم ەنگىزۋ تاياۋ شىعىستاعى قاقتىعىستاردىڭ شيەلەنىسۋىنە بايلانىستى جاريالاندى. بەيسەنبىدە قازا تاپقان يزرايلدىكتەر مەن پالەستينالىقتاردىڭ سانى 5 مىڭ ادامنان استى.

اۆتور

زارينا تۋعانبايەۆا