يزرايلدىڭ يرانعا جاساعان شابۋىلدارىنان 49 ايەل مەن 13 بالا قازا بولدى
استانا. KAZINFORM - يران مەملەكەتتىك تەلەراديوكورپوراتسياسىنىڭ مالىمەتىنشە، 13-ماۋسىمدا يزرايل يرانعا شابۋىل باستاعالى بەرى جالپى 627 ادام مەرت بولعان، دەپ جازادى انادولى.
قازا تاپقانداردىڭ اراسىندا - 49 ايەل مەن 13 بالا بار، ولاردىڭ ەڭ كىشىسى - ەكى ايلىق نارەستە.
سونىمەن قاتار، يزرايل قارۋلى كۇشتەرى ەلدىڭ ءارتۇرلى قالالارىندا 7 اۋرۋحانا مەن 11 جەدەل جاردەم كولىگىن تىكەلەي نىساناعا العانى حابارلاندى. بۇل شابۋىلداردان 5 مەديتسينا قىزمەتكەرى كوز جۇمعان.
يران مەملەكەتتىك تەلەارناسى حابارلاعانداي، 13-ماۋسىمدا باستالعان يزرايل شابۋىلدارى كەزىندە توعىز جۋرناليست وپات بولعان.
قازا تاپقان باق قىزمەتكەرلەرىنىڭ قاتارىندا يران باس شتابىنىڭ باستىعى موحامماد باگەريدىڭ قىزى - فەرەشتە باگەري، يحسان زاكيري، ءالي تەحماسەبي، موين نەزەري، رامازان ءالي چۋبداري، ەمير حوسسەين تاۆۋسي، موحامماد دجاۆاد ەلۆەندي، ماسۋمە ازيمي جانە نيما رادجابپۋر بار.
ماسۋمە ازيمي مەن نيما رادجابپۋر 16-ماۋسىمدا يزرايل اۋە شابۋىلى كەزىندە يراننىڭ تەلەراديو كورپوراتسياسى (IRIB) عيماراتىنا جاسالعان سوققى سالدارىنان كوز جۇمعان.
بۇعان دەيىن يزرايلدىڭ قورعانىس ارمياسى (تساحال) يراننىڭ مەملەكەتتىك تەلەارناسىنىڭ رەداكتسياسى ورنالاسقان عيماراتقا سوققى جاساعانىن جازعانبىز.
