يزرايلدىڭ كەلەسى كوزدەگەنى تۇركيا بولۋى مۇمكىن - رەدجەپ تايپ ەردوعان

استانا. قازاقپارات - يزرايل مەن ليۆان اراسىنداعى قاقتىعىستىڭ ۋشىعۋىنا بايلانىستى تۇركيا پرەزيدەنتى رەدجەپ تايپ ەردوعان يزرايلگە قارسى تۇرىپ، ليۆاندى قولدايتىنىن كەسىپ ايتتى.

بۇل تۋرالى ول، جازعى دەمالىستان كەيىنگى پارلامەنت وتىرىسىنىڭ اشۋىلىندا مالىمدەدى. سونداي-اق، ول ءوز سوزىندە تۇركيا يزرايلگە قارسى شىعۋدى جالعاستىرادى جانە الەمدى وسى اسىل ۇستانىمعا قوسىلۋعا شاقىرامىن، دەپ مالىمدەدى.

رەدجەپ تايپ ەردوعان، تۇركيا پرەزيدەنتى:

- يزرايلدىڭ كەلەسى كوزدەگەنى تۇركيا بولۋى عاجاپ ەمەس. تۇتاس الەم بوپ، يزرايلگە قارسى تۇرۋعا شاقىرامىن. يزرايل بەلگىلى ءبىر زاڭعا باعىناعان مەملەكەت ەمەس، قۇددى ءبىر قىلمىسكەرلەر سياقتى.

ايماقتاعى بۇل شيەلەنىس سوعىستىڭ كەڭ اۋقىمدى دەڭگەيگە ءوتۋ قاۋپىن تۋدىرۋدا، اسىرەسە حالىقارالىق كۇشتەر تارتىلۋى مۇمكىن. تاياۋ شىعىستاعى جاعدايعا قاتىستى ساراپشىلار ءارتۇرلى پىكىردە. ءبىرى، سوعىس ايماعىنان كوشى-قون ارتادى دەگەن پىكىردە. دەسە دە ناقتى نە بولاتىنى الداعى كۇندەردە بەلگىلى بولماق.

24.kz