يزرايل يراننىڭ تۇنگى شابۋىلعا ىقتيمال جاۋابىن باعالادى

استانا. KAZINFORM - يزرايل قورعانىس كۇشتەرى تۇندە يراندىق اسكەري نىساندارعا اۋە شابۋىلدارىن توقتاتقانىن مالىمدەپ، يراندى قاقتىعىستىڭ ودان ءارى شيەلەنىسۋى تۋرالى ەسكەرتتى. يزرايل اسكەري- اۋە كۇشتەرىنىڭ وپەراتسياسىنا «تاۋبە كۇندەرى» اتاۋى بەرىلدى.

اسكەريلەرجىڭ حابارلاۋىنشا، يزرايلدەن 1600 شاقىرىم جەردەگى شابۋىلعا يزرايل اۋە كۇشتەرىنىڭ ونداعان ۇشاعى، سونىڭ ىشىندە جويعىش ۇشاقتار، ماي قۇيۋشى جانە بارلاۋ ۇشاقتارى قاتىسقان.

بارلىق ۇشاقتار «كۇردەلى» وپەراتسيادان كەيىن يزرايلگە امان-ەسەن ورالدى.

يزرايل قورعانىس كۇشتەرىنىڭ باسپا ءسوز حاتشىسى دانيەل حاگاريدىڭ مالىمدەۋىنشە، يرانعا تۇنگى شابۋىل ماقساتتارى ءساتتى ورىندالدى. سوققىلار يراننىڭ ءارتۇرلى ايماقتارىندا بىرنەشە ساعات بويى بىرنەشە تولقىنمەن جاسالدى.

يزرايل قورعانىس اسكەرىنىڭ سەندىرۋىنشە، بۇل سوققىلار يراننىڭ اسكەري نىساندارىنا، سونىڭ ىشىندە 1-قازان مەن 14-ساۋىردە يراننىڭ يزرايلگە تىكەلەي شابۋىلدارى كەزىندە پايدالانىلعان اۋە قورعانىسى باتارەيالارى مەن بالليستيكالىق زىمىران ءوندىرىسى نىساندارىنا جاسالعان.

بۇدان بولەك، اسكەريلەر بۇل سوققىلار يزرايل اۋە كۇشتەرىنە «يران اسپانىندا كوبىرەك ارەكەت ەتۋ ەركىندىگىن» بەرگەنىن جانە قاجەت بولعان جاعدايدا ولاردىڭ بولاشاق وپەراتسيالاردا سوعۋى مۇمكىن نىسانالاردىڭ كەڭ اۋقىمى بار.

يزرايل ااك سوققىسىنان كەلگەن شىعىن ۋاقىت وتە كەلە بەلگىلى بولادى، دەپ حابارلايدى يزرايل قورعانىس ارمياسى. ول سونداي-اق يران يزرايلگە جاساعان شابۋىلدارى ءۇشىن جاۋاپ بەرگەنىن قوسىپ ءوتتى.

قازىرگى ۋاقىتتا يزرايل قورعانىس اسكەرى يراننىڭ شابۋىلعا الەۋەتتى جاۋابىن باعالاۋدا، ءبىراق قازىرگى ساتتە بەيبىت تۇرعىندارعا قاتىستى ەرەجەلەرگە ەشقانداي وزگەرىس ەنگىزىلگەن جوق.

اۆتور
زارينا تۋعانبايەۆا