يزرايل يرانعا قايتا سوعىس باستاۋى مۇمكىن

استانا. قازاقپارات - يزرايل بيلىگى يراننىڭ يادرولىق باعدارلاماسىن قولعا الادى دەپ قاۋىپتەنىپ، اسكەري قاقتىعىستىڭ قايتا باستالۋىنا بەلسەندى دايىندالىپ جاتىر.

بۇل تۋرالى Axios باسىلىمى كەلىسسوزدەرگە جاقىن ەكى دەرەككوزگە سىلتەمە جاساپ مالىمدەدى.

اق ۇيدەگى كەزدەسۋ: يادرولىق ماسەلە باستى تاقىرىپ

يزرايل پرەمەر-ءمينيسترى بينيامين نەتانياحۋ مەن ا ق ش پرەزيدەنتى دونالد ترامپ جاقىن كۇندەرى اق ۇيدە كەزدەسىپ، يران ماسەلەسىن تالقىلاماق. كەزدەسۋ بارىسىندا ەكىجاقتى ۇستانىمدار ايتىلىپ، يادرولىق باعدارلاماعا قاتىستى ارەكەت ەتۋ ستراتەگياسى ايقىندالۋى مۇمكىن.

قاي جاعدايدا يزرايل اسكەري سوققى جاساۋى مۇمكىن؟

يزرايل تاراپى يراننىڭ بەلگىلى ءبىر ارەكەتتەرى اسكەري جاۋاپ ءۇشىن نەگىز بولا الاتىنىن العا تارتۋدا. اتاپ ايتقاندا:

جوعارى بايىتىلعان ۋراندى زاقىمدالعان يادرولىق وبەكتىلەردەن قاۋىپسىز ورىنعا كوشىرۋ ارەكەتى؛

وبوگاتتاۋ قوندىرعىلارىن قايتا ىسكە قوسۋ جانە يادرولىق باعدارلامانى تولىق قالپىنا كەلتىرۋ؛

يزرايلدىڭ باستى كەڭەسشىسى رون دەرمەردىڭ مالىمدەۋىنشە، ترامپ اكىمشىلىگى مۇنداي جاعدايدا تەل-اۆيۆتىڭ اسكەري قادامىن قولداۋعا دايىن.

يادرولىق ماتەريال قايدا؟

ا ق ش پەن يزرايلدىڭ بارلاۋ قىزمەتتەرى يرانداعى يادرولىق نىسانداردىڭ ەداۋىر زاقىمدانعانىن راستايدى. الايدا بارلىق ينفراقۇرىلىم مەن ماتەريالداردىڭ تولىق جويىلماعانى جانە ءبىر بولىگى قاۋىپسىز «يزولياتسيادا» ساقتالعانى ايتىلادى.