يزرايل كاناداعا پالەستينا مەملەكەتىن مويىنداعان جاعدايدا سالدارى قيىن بولاتىنىن ايتتى
استانا. KAZINFORM - يزرايل سىرتقى ىستەر ءمينيسترى گيدەون ساار كانادالىق ارىپتەسى انيتا اناندتى پالەستينا مەملەكەتىن مويىنداعان جاعدايدا ونىڭ سالدارى قيىن بولاتىنىن ايتىپ قورقىتتى، دەپ حابارلايدى انادولى اگەنتتىگى.
ساار X الەۋمەتتىك جەلىسىندە جاقىن ارادا پالەستينا مەملەكەتىن مويىنداۋى مۇمكىن كانادانىڭ سىرتقى ىستەر ءمينيسترى اناندپەن تەلەفون ارقىلى سويلەسكەنىن حابارلادى.
ساار حاماس- تىڭ گازاداعى اتىستى توقتاتۋ جانە تۇتقىن الماسۋ كەلىسسوزىندە ۇستانىمىن قاتايتقانىن مالىمدەپ، مۇنىڭ يزرايلگە، اسىرەسە باتىس ەلدەرىنىڭ «قاتال ديپلوماتيالىق» قادامدارىنا بايلانىستى ەكەنىن جەتكىزدى.
ساار كانادانى پالەستينا مەملەكەتىن تانۋعا بايلانىستى قورقىتتى.
- مەن فرانسيا مەن باسقا ەلدەردىڭ ءبىرجاقتى قادامدارى يزرايلدى ءوز شارالارىن قابىلداۋعا يتەرمەلەيتىنىن ايتتىم، - دەپ اتاپ ءوتتى گيدەون ساار.
ونىڭ جازۋىنشا، فرانسيانىڭ پالەستينا مەملەكەتىن تانۋى گازادا اتىستى توقتاتۋ جانە تۇتقىندار الماسۋ كەلىسىمىنە قول جەتكىزۋ مۇمكىندىگىنە زيانىن تيگىزەدى جانە بۇل ايماقتاعى تۇراقتىلىققا سەپتەسپەيدى.
ەسكە سالايىق، يزرايل گازا سەكتورىنا ازىق-تۇلىكتى پاراشيۋتپەن تاستاۋعا رۇقسات بەرمەك.
