يزرايل بەيرۋتتىڭ وڭتۇستىگىندەگى ايماققا سوققى جاسادى

استانا. KAZINFORM - يزرايل اسكەريلەرىنىڭ مالىمدەۋىنشە، ولار بەيرۋتتىڭ وڭتۇستىك شەتىندەگى ايماققا سوققى بەرىپ، «حەزبوللا» سودىرىن نىساناعا العان، دەپ حابارلايدى BBC.

- سوققى نىساناسى جاقىندا حاماس سودىرلارىن باسقارىپ، ولارعا ءيزرايلدىڭ بەيبىت تۇرعىندارىنا قارسى اۋقىمدى جانە جاقىن ارادا بولاتىن لاڭكەستىك ارەكەتتى جوسپارلاۋعا كومەكتەسكەن «حەزبوللا» لاڭكەسى بولدى، - دەلىنگەن يزرايل قورعانىس ارمياسى مەن شين- بەت قاۋىپسىزدىك قىزمەتىنىڭ بىرلەسكەن مالىمدەمەسىندە.

اسكەريلەردىڭ مالىمدەۋىنشە، ولار «حەزبوللانىڭ» تىرەگى سانالاتىن داحيا اۋدانىندا سودىردى جويۋ ءۇشىن شارالار قولدانىپ، قاۋىپ-قاتەردى جويعان.

Reuters اگەنتتىگىنىڭ كۋاگەرلەرگە سىلتەمە جاساپ حابارلاۋىنشا، اسكەري ۇشاقتار ليۆان استاناسىنىڭ ۇستىمەن ۇشتى جانە قالادا كۇشتى جارىلىستاردىڭ دىبىستارى ەستىلگەن.

وتكەن اپتادا يزرايل اسكەريلەرى قاراشا ايىندا اتىستى توقتاتۋ كەلىسىمى كۇشىنە ەنگەننەن بەرى العاش رەت بەيرۋتتىڭ وڭتۇستىگىنە سوققى بەردى. يزرايل بۇعان دەيىن ليۆان اۋماعىنان ەكى زىمىران اتىلعانىن مالىمدەپ، «حەزبوللانى» اتىستى توقتاتۋ كەلىسىمىن بۇزدى دەپ ايىپتادى.

«حەزبوللا» جەتەكشىسى نايم كاسەم اۋە شابۋىلدارىن قايتا باستاۋدى ايىپتادى. توپ وكىلدەرى سونداي-اق يزرايل اۋماعىن اتقىلاۋعا قاتىسى بارىن جوققا شىعاردى.

ەسكە سالا كەتسەك، يزرايل كەلىسىم اياسىندا ليۆاننان بارلىق دەرلىك اسكەرىن شىعاردى، ءبىراق بەس پوزيتسيادا قالدىردى. ليۆان مۇنى وككۋپاتسيا دەپ اتادى.